Në kulmin e protestave kundër projektit turistik në Zvërnec, kryeministri Edi Rama ka mbërritur këtë të premte në...
AKTUALITET
Rihapet gjyqi ndaj Erion Veliajt, me kërkesë të SPAK pezullohen afatet e paraburgimit! Avokati Ndreca kundërshton vendimin
PiranjatPërditësimi i fundit 26 Maj 2026, 12:26
Gjykata e Posaçme rihapi nga para procesin ndaj kryetarit të Bashkisë së Tiranës, Erjon Veliaj, pas ndarjes së dosjes, për shkak se për disa të pandehur u pranua kërkesa për gjykim të shkurtuar.
Në nisje të seancës, trupa gjykuese rrëzoi kërkesën për transmetimin live të procesit gjyqësor.
Për shkak se në seancë mungonin pjesa më e madhe e të pandehurve, mes tyre dhe vetë Veliaj e bashkëshortja e tij Ajola Xoxa, si dhe disa prej avokatëve, gjykata ishte në pamundësi për të vijuar gjykimin, por me kërkesën e SPAK pezulloi afatet e paraburgimit për kryebashkiakun.
Avokati Plarent Ndreca e kundërshtoi vendimin, duke arsyetuar se përderisa Veliaj nuk është shkak për shtyrjen e seancës afatet s’mund të pezulloheshin.
Lidhur me vendimin e Kushtetueses që ia pasoi topin gjykatës së lartë për masën e sigurisë për Veliajn, avokati I tij deklaroi:
“Do pres të arsyetohet vendimi, kur të arsyetohet vendimi atëherë kam një panoramë më të qartë. Duhet të jem i rezervuar për shkak të faktit se nuk e kam arsyetimin. Deklaratat e nxituara nuk i shërbejnë çështjes”
Kryebashkiaku i Tiranës Erion Veliaj është i pandehur për 13 vepra penale, si korrupsion, pastrim parash, fshehje pasurie apo shpërdorim detyre. Ai akuzohet për një skemë komplekse korrupsioni e pastrimi parash, bashkë me bashkëshorten e tij Ajola Xoxa.
