Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
Rihapja e hetimeve për "21 janarin"/ Ish-komandanti i Gardës del nga SPAK: Do paraqitem sa herë të më thërrasin
r.llPërditësimi i fundit 23 Korrik 2024, 18:38
ndrea prendi ne spak
TIRANË- Ish-komandanti i Gardës, Ndrea Prendi ka përfunduar dëshminë e tij në Prokurorinë e Posaçme, e cila zgjati më shumë se tre orë. Pas daljes nga ambientet e SPAK, Prendi tha se do të paraqitet sa herë që të thirret nga Prokuroria.
"Do vij sa herë të më thërrasin.", tha ai shkurt për mediat.
Një ditë më parë në SPAK kanë dhënë dëshmitë e tyre, bashkëshorja dhe xhaxhai i Aleks Nikës, Rajmonda dhe Mark Nika. Ata dhanë dëshmitë e tyre para prokurorëve të SPAK, si persona që kanë dijeni dhe për të dhënë detaje për hetimin.
Më 16 korrik, SPAK njoftoi se ka regjistruar procedimin penal nr. 138, për veprat penale, “Vrasja në rrethana të tjera cilësuese”, “Shpërdorim i detyrës” dhe “Kryerja e veprimeve që pengojnë zbulimin e së vërtetës”, të kryera në bashkëpunim. Ky procedim penal është regjistruar për ngjarjen e ndodhur më 21 janar të 2011, ku gjatë një mitingu të organizuar nga opozita politike e asaj kohe përpara Kryeministrisë, është vrarë shtetasi Aleks Nika, si dhe janë plagosur shtetasit Artes Dybeli, Ilia Qesko dhe Ilia Papa. Në njoftimin zyrtar thuhet se, në rastin e "21 janarit" hetimi i veprave penale është në kompetencën lëndore të Prokurorisë së Posaçme, pasi dyshohet se veprat penale mund të jenë kryer nga ish-funksionarë të lartë shtetërorë, gjatë ushtrimit të detyrës.
