Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Kalonin ilegalisht persona në kufi pa i regjistruar në sistemin TIMS, SPAK dhe policia ekzekutojnë 5 masa sigurie të lëshuara nga GJKKO
r.llPërditësimi i fundit 23 Korrik 2024, 16:50
foto ilustruese
TIRANË-Policia e Shtetit në bashkëpunim me SPAK dhe autoritetet amerikane kanë finalizuar operacionin "HOTI" ku u ekzekutuan 5 masa sigurie të lëshuara nga GJKKO. Operacioni u zhvillua në kuadër të një procedimi penal të vitit 2023 lidhur me kalimin e paligjshëm të qytetarëve në pikën kufitare "Hani i Hotit" nga një grup i organizuar kriminal.
Kalimi i personave që kishin destinacion Kanadanë dhe Amerikën, bëhej duke i kaluar me dokumente false ose duke mos i regjistruar në sistemin TIMS. Për kreun e grupit kriminal u ekzekutua masa "arrest në shtëpi", ndërsa për dy punonjës në pikën kufitare dhe dy persona të tjerë u ekzekutua masa "arrest në shtëpi".
Pas kontrolleve në banesat e 5 te ndaluarve, u gjetën dhe u sekuestruan 8125 euro, 625 000 lekë, 3060 dollarë amerikanë, 240 dollarë kanadezë, si dhe 17 celularë, 3 automjete, 1 USB, 21 fushekë, blloqe shënimesh, regjistra hyrje-daljesh, bileta udhëtimi, mandate pagesash dhe mandate bankash.
NJOFTIMI I POLICISË:
Policia e Shtetit zhvilloi në bashkëpunim me SPAK dhe me partnerët amerikanë një tjetër plan operacional policor.
Plani operacional i koduar “HOTI”, kundër veprimtarisë kriminale të dhënies ndihmë shtetasve shqiptarë, për kalim të paligjshëm nga PKK Hani i Hotit, me destinacion Kanadanë dhe Amerikën.
Plani operacional, nga Sektori për Hetimin e Grupeve Kriminale në Drejtorinë për Hetimin e Krimit të Organizuar në DPPSH, në bashkëpunim me DVP Shkodër, Forcën e Posaçme Operacionale, BKH-në dhe me Task Forcën “Joint Shield” të Agjencisë Federale të Shërbimit të Sigurisë Diplomatike të Ambasadës së ShBA-së në Tiranë, në kuadër të një procedimi penal të vitit 2023.
Ekzekutohen masat e sigurisë, të caktuara nga GjKKO, për 5 shtetas: •“Arrest në burg”, për organizatorin e kësaj veprimtarie kriminale;
•“Arrest në shtëpi”,
për 2 shtetas të implikuar në këtë veprimtari kriminale dhe për 2 punonjës të PKK Hani i Hotit që akuzohen për shpërdorim të detyrave.
Gjenden në banesat e këtyre shtetasve dhe sekuestrohen:
Në kuadër të planit operacional policor u ekzekutuan:
-masa e sigurisë “Arrest në burg”, për shtetasin L. M., 56 vjeç, banues në Malësi të Madhe, për veprat penale “Ndihma për kalim të paligjshëm të kufijve”, kryer në kuadër të grupit të strukturuar kriminal, “Kalimi i paligjshëm i kufirit shtetëror”, “Falsifikimi i letërnjoftimeve, i pasaportave dhe i vizave” dhe “Ushtrimi i ndikimit të paligjshëm ndaj personave që ushtrojnë funksione publike”;
-masa e sigurisë “Arrest në shtëpi”, për shtetasit:
E. M., 24 vjeç dhe G. C., 49 vjeç, të dy banues në Malësi të Madhe, për veprën penale “Ndihma për kalim të paligjshëm të kufijve”, kryer në bashkëpunim;
T. M., 55 vjeç, banues në Malësi të Madhe dhe B. C., 58 vjeç, banues në Shkodër, përkatësisht me detyra ndihmësspecialist, kontrollor i vijës së dytë në PKK Hani i Hotit dhe përgjegjës turni në PKK Hani i Hotit, për veprën penale “Shpërdorimi i detyrës”.
Gjykata e Posaçme e Shkallës së Parë Kundër Korrupsionit dhe Krimit të Organizuar, me vendimin nr. 81 të datës 21.07.2024 dhe më vendimin nr. 453 të datës 21.07.2024, ka caktuar këto masa sigurie, pasi nga hetimet ka rezultuar se këta shtetas, në bashkëpunim me njëri-tjetrin, nëpërmjet dokumenteve false dhe mosregjistrimit në sistemin TIMS, kanë kaluar në PKK Hani i Hotit, shtetas shqiptarë që kishin destinacione Kanadanë dhe Amerikën.
Materialet procedurale i kaluan Prokurorisë së Posaçme Kundër Korrupsionit dhe Krimit të Organizuar, për hetime të mëtejshme.
