Një strukturë e përbërë nga 7 mjekë dhe një zyrtar i Shërbimit Kombëtar të Kujdesit Gjithëpërfshirës për Personat e Privuar nga Liria (SNAI) dyshohet se ka favorizuar narkotrafikantin shqiptar Dritan Rexhepi Haxhiu, i dënuar në Ekuador me 13 vite burg për vepra penale të lidhura me trafikun e drogës.
Sipas hetimeve, grupi dyshohet se ka përdorur dokumente të falsifikuara, certifikata mjekësore të parregullta dhe madje një gjurmë gishti të riprodhuar në lateks, për të krijuar përshtypjen se Rexhepi po përmbushte detyrimet e vendosura nga drejtësia, edhe pse ai ishte larguar nga Ekuadori.
Një operacion i përbashkët i Policisë Kombëtare dhe Prokurorisë së Përgjithshme të Ekuadorit çoi në arrestimin e tetë personave, të dyshuar si pjesë e këtij rrjeti korrupsioni.
Ministri i Brendshëm, John Reimberg, bëri të ditur se operacioni përfshiu 11 kontrolle të njëkohshme në Guayaquil, Quito dhe Morona Santiago. Mes të arrestuarve janë shtatë mjekë, disa prej tyre ish-punonjës të Ministrisë së Shëndetësisë, si dhe një punonjës i SNAI-t.
Të dyshuarit po hetohen për vepra të dyshuara penale që lidhen me:
Krimin e organizuar;
Mashtrimin procedural;
Zëvendësimin e identitetit;
Falsifikimin;
Përdorimin e dokumenteve të falsifikuara;
Dëshminë e rreme.
Si dyshohet se u favorizua Dritan Rexhepi
Sipas hetimeve, rrjeti dyshohet se manipuloi procedurat gjyqësore dhe kontrollet penitenciare për të favorizuar Dritan Rexhepi Haxhiun.
Rexhepi ishte larguar nga Ekuadori përmes pikës kufitare të Rumichaca më 7 shtator 2022, duke përdorur një identitet të rremë. Ai u arrestua më pas në Turqi, në nëntor 2023.
Megjithëse ndodhej jashtë Ekuadorit, autoritetet konstatuan se në emër të tij vazhdonin të regjistroheshin paraqitje periodike pranë SNAI-t, si dhe certifikata mjekësore dhe dokumente të tjera që krijonin përshtypjen se ai po përmbushte masat e vendosura nga gjykata.
Sipas ministrit Reimberg, grupi dyshohet se kishte përgatitur dokumentacion të falsifikuar, kishte përdorur firma të falsifikuara dhe kishte krijuar regjistrime të parregullta të prezencës, për të simuluar se shtetasi shqiptar vazhdonte të qëndronte në territorin ekuadorian.
Një prej elementeve që tërhoqi më shumë vëmendjen e hetuesve ishte riprodhimi i gjurmës së gishtit. Sipas ministrit, rrjeti dyshohet se kishte përdorur një dorezë lateksi me gjurmën e gishtit të Dritan Rexhepi Haxhiut për të simuluar praninë e tij gjatë procedurave dhe kontrolleve që në fakt nuk ishin kryer prej tij.
Ministri Reimberg tha se operacioni ishte rezultat i më shumë se tetë muajve hetime të zhvilluara nga Policia dhe Prokuroria në kuadër të rasteve që lidhen me vepra të dyshuara penale në sistemin publik të shëndetësisë.
Sipas informacionit zyrtar, të dyshuarit dyshohet se kishin marrë pagesa në këmbim të lëshimit të certifikatave mjekësore të parregullta dhe menaxhimit të regjistrimeve që justifikonin përmbushjen e detyrimeve gjyqësore nga ana e Rexhepit, të cilat në të vërtetë nuk po kryheshin.
Reimberg deklaroi gjithashtu se gjatë kontrolleve janë mbledhur prova të reja, të cilat mund të çojnë në hetime të tjera lidhur me raste të mundshme korrupsioni në sistemin publik të shëndetësisë.
Autoritetet ekuadoriane bënë të ditur se kontrollet nuk kishin për qëllim vetëm mbledhjen e provave për rastin që lidhet me narkotrafikantin shqiptar, por edhe identifikimin e lidhjeve të mundshme me skema të tjera korrupsioni.
Hetimi vijon nën masa konfidencialiteti, ndërsa Prokuroria po shqyrton provat e sekuestruara dhe po përcakton shkallën e përfshirjes së secilit prej personave të arrestuar.
Autoritetet nuk përjashtojnë mundësinë që në vijim të hetimeve të përfshihen edhe persona të tjerë.
MÉDICOS CORRUPTOS Y MAFIA ALBANESA: CAE RED DELICTIVA COMPUESTA POR MÉDICOS Y EX MÉDICOS DEL MSP, FUNCIONARIOS DEL SNAI INVOLUCRADOS EN CORRUPCIÓN Y CRIMEN ORGANIZADO. La Policía Nacional, en coordinación con la Fiscalía General del Estado, ejecutó 11 allanamientos y detuvo a ocho personas en Guayaquil, Quito y Morona Santiago, desarticulando una estructura que era investigada por presunta delincuencia organizada y delitos asociados como fraude procesal, suplantación de identidad, falsificación y uso de documentos falsos y perjurio para favorecer al albanés Dritan Rexhepi, condenado en Ecuador a 13 años de prisión por narcotráfico. La red, integrada por médicos del MSP y personas vinculadas a la defensa técnica, habría manipulado procedimientos judiciales y controles penitenciarios para favorecer irregularmente a este sujeto, quien salió del Ecuador por Rumichaca el 7 de septiembre de 2022 utilizando una identidad falsa y fue detenido en Turquía en noviembre de 2023. Pese a encontrarse fuera del país, en Ecuador continuaban registrándose a su nombre presentaciones ante el SNAI y certificados médicos, incluso una huella dactilar suya reproducida mediante un guante de látex. Para aparentar el cumplimiento de sus obligaciones en el país, la estructura habría utilizado documentación fraudulenta, firmas falsas, certificados médicos irregulares y registros falsos de asistencia. Aquí caen todos. Cuello blanco o no, no hay impunidad. Todo es cuestión de tiempo. Seguimos trabajando.
