Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Rruga “Mustafa Kacaci” në gjendje skandaloze, gropat po shkatërrojnë makinat çdo ditë
PiranjatPërditësimi i fundit 16 Qershor 2026, 13:12
Banorët e zonës kanë ngritur shqetësimin për gjendjen e rënduar të rrugës “Mustafa Kacaci” në Tiranë, e cila ndodhet rreth pak metra larg rrugës kryesore të Don Boskos.
Sipas raportimit të një qytetareje, në këtë segment janë krijuar gropa të thella në asfalt, të cilat po shkaktojnë dëmtime të automjeteve dhe vështirësi në qarkullim.
Gjendja e amortizuar e rrugës, sipas banorëve, është kthyer në një problem të përditshëm, veçanërisht gjatë orëve të pikut kur qarkullimi është më i dendur. Ata thonë se gropat e shumta jo vetëm dëmtojnë automjetet, por rrisin edhe rrezikun për aksidente, sidomos për motorët dhe këmbësorët që kalojnë në këtë segment.
Qytetarët theksojnë se pavarësisht ankesave të përsëritura, ndërhyrjet kanë munguar ose kanë qenë të pjesshme dhe të pamjaftueshme. Ata i bëjnë thirrje Bashkisë së Tiranës që të marrë masa urgjente për asfaltimin dhe rikonstruksionin e plotë të rrugës, duke e konsideruar situatën si të papranueshme për një zonë urbane kaq të frekuentuar.
Denoncimi:
Pershendetje, Rruga Mustafa Kacaci ne Tirane, fiks 10metra larg rruges kryesore se Don Boskos. Ja pse protestojme ne qytetaret (nje nder arsyet), per gropa te tilla te cilat te shkaterrojne makinat. Nje turp i madh qe ne nje rruge kaq kryesore (lidh don boskon me rrugen egnatia) te shohesh kte katastrofe me sy.
