Gazetarja e njohur e Vlorës, Afrovita Hysaj ka treguar momentet e fundit të kolegut dhe mikut Enrik Mehmeti drejt Zvërnecit, mbrëmjen e t&...
AKTUALITET
Rrugët e bllokuara sot/ Shqipëri-Letoni në “Air Albania”, paralajmërimi i fortë i policisë
PiranjatPërditësimi i fundit 9 Shtator 2025, 07:43
Policia e Shtetit ka hartuar një plan të posaçëm masash për garantimin e rendit dhe sigurisë para, gjatë dhe pas ndeshjes së futbollit ndërkombëtar Shqipëri-Letoni, që do të zhvillohet sot, 9 shtator 2025 në orën 20:45 në stadiumin “Arena Kombëtare” në Tiranë.
Policia do të sigurojë shoqërimin dhe mbrojtjen e futbollistëve të ekipit të Letonisë që nga aeroporti i Rinasit, deri në hotel, stadium dhe kthimin drejt aeroportit. Gjithashtu, do të sigurohet edhe shoqërimi i futbollistëve të ekipit shqiptar brenda stadiumit.
Në funksion të garantimit të rendit publik, do të kryhen kontrolle të detajuara në stadium dhe në mjediset përreth për të parandaluar futjen e sendeve të ndaluara si fishekzjarre, lëndë piroteknike, sende të forta, dhe objekte të tjera që mund të shkaktojnë shqetësime. Policia do të organizojë patrullime dhe do të ushtrojë kontroll të territorit edhe nëpër qytetin e Tiranës para, gjatë dhe pas përfundimit të ndeshjes.
Në kuadër të menaxhimit të situatës, do të sigurohen rrugëkalime për shërbimet e emergjencës dhe do të ketë masa të veçanta për trafikun rrugor në zonat pranë stadiumit.
Bashkëpunimi për organizimin e ndeshjes është bërë me Federatën Shqiptare të Futbollit, UEFA-n, Gardën e Republikës, Policinë Bashkiake, shërbimet zjarrfikëse, spitalet dhe shërbimet e tjera të emergjencës, si dhe me personelin e sigurisë të ekipit të Letonisë.
Për shkak të masave të sigurisë, më 9 shtator, nga ora 17:00 deri në përfundim të ndeshjes, do të ketë kufizime në qarkullimin e mjeteve në disa akse rrugore kryesore pranë stadiumit, duke përfshirë Bulevardin “Dëshmorët e Kombit”, rrugën “Papa Gjon Pali II”, rrugën “Dervish Hima” dhe rrugë të tjera përreth.
Parkimi për tifozët nga disa zona të vendit është organizuar në mënyrë të veçantë, me pika të caktuara për autobusët dhe automjetet private, për të lehtësuar qarkullimin dhe për të shmangur bllokimet në trafik.
Policia ka bërë thirrje për kontroll të rreptë të tifozëve para hyrjes në stadium, duke ndaluar hyrjen e sendeve të rrezikshme dhe objekteve që mund të shkaktojnë probleme. Po ashtu, qytetarët janë paralajmëruar që të mos përdorin dronë në zonën e stadiumit, pasi Policia do të përdorë pajisje anti-dronë për të parandaluar këtë.
Autoritetet kanë njoftuar gjithashtu se veprimet e dhunshme në aktivitetet sportive dënohen me gjobë dhe burg, sipas Kodit Penal shqiptar. Hyrja në fushën e lojës pa autorizim, hedhja e sendeve të forta, përdorimi i lëndëve piroteknike dhe dhuna ndaj sportistëve janë veprime penale që do të ndëshkohen me ashpërsi.
Njoftohet se hyrja në stadium do të fillojë në orën 18:00, ndërsa tifozët këshillohen që të mos publikojnë në rrjetet sociale bileta të blera, pasi ato janë personale dhe kanë barcode që kontrollohet rigorozisht për të parandaluar falsifikimet.
