Senatorja amerikane Elissa Slotkin (Demokrate nga Miçigani) ka reaguar në rrjetin social X lidhur me dhunën policore në protestën stu...
AKTUALITET
Sekuestrohen 19 mijë euro të padeklaruara në Morinë, procedohet 44-vjeçari nga Kosova
b.zPërditësimi i fundit 20 Mars 2025, 10:08
Paratë e sekuestruara
MORINË - Një 44-vjeçar me origjinë nga Kosoavë është proceduar penlaisht nga Policia pasi ka tentuar të hyjë në Shqipëri me 19 mijë euro të padeklaruar.
Policia sqaron se 44-vjeçari ishte pasagjer në një mjet tip "Audi" i cili është futur në një kontroll nga policia kufitare. Dhe nga kontrolli fizik 44-vjeçarit i janë gjetur 19 000 euro që nuk i kishte deklaruar në pkk, konform ligjit në fuqi.
Si pasojë nisi procedimi në gjendje të lirë për 44-vjeçarin, si dhe u sekuestrua shuma e parave.
Njoftimi i Policisë
Tentoi të hynte në Shqipëri, me 19 000 euro të padeklaruara, procedohet penalisht 44-vjeçari kosovar. Sekuestrohet shuma e eurove.
Në kuadër të punës policore që kryhet në bazë të analizës së riskut, me objektiv parandalimin, konstatimin dhe goditjen e paligjshmërive në kufi, shërbimet e Stacionit të Policisë Kufitare Morinë, në hyrje të Shqipërisë, kaluan për kontroll të detajuar, në vijë të dytë, automjetin tip “Audi A8”, në të cilin ishte pasagjer shtetasi V. B., 44 vjeç, banues në Prishtinë.
Nga kontrolli fizik, atij i janë gjetur 19 000 euro që nuk i kishte deklaruar në pkk, konform ligjit në fuqi.
Në përfundim të veprimeve procedurale për rastin, u referuan materialet në Prokurori, ku nisi procedimi në gjendje të lirë për 44-vjeçarin, si dhe u sekuestrua shuma e parave.
Materialet procedurale iu referuan Prokurorisë së Kukësit, për veprime të mëtejshme.
