Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
Sekuestrohet 172 kg kokainë në Itali, arrestohen 3 shqiptarë, mes tyre një vajzë, zbardhet roli i saj në 'pazaret e drogës'
b.zPërditësimi i fundit 11 Shkurt 2025, 22:00
Droga e sekuestruar
ITALI - Një operacion antidrogë i policisë Italiane në bashkëpunim me policinë shqiptare ka sjellë zbulimin e një sasie të konsiderueshme kokaine, ku ri rezultat janë arrestuar 3 shqiptarë mes tyre një vajzë. Në kuadër të këtij operacioni është pikasur dhe është ndaluar një kamion që merrej me transportimin e lëndëve narkotike. Sipas mediave vendase kamioni, i ardhur nga Madridi është ndaluar në zonën Reggio Emilia dhe drejtohej nga një 43-vjeçar shqiptar.
Kamioni kishte si destinacion dy shqiptarë të tjerë, motër dhe vëlla respektivisht 21 dhe 28 vjeç të cilëve shoferi do t'ju jepte një çantë brenda së cilës ishte lënda narkotike. Bëhet me dije se brenda çantës kishte 15 pako në formë paralelepipedi, me mbi 16 kilogramë drogë. Ndërsa nga kontrollet në kamion janë gjetur dhe sekuestruar 172 kilogramë drogë që ishte e fshehur nën dërrasat prej druri që ishin mbyllur me pllaka metalike të salduara. Autoritet italiane e kanë cilësuar si “Një goditje e madhe për krimin shqiptar”.
Sipas një vlerësimi të bërë nga vetë hetuesit, kokaina, e ndarë në tre cilësi, të shënuara me logo dhe numra të ndryshëm, e hedhur në treg, do të sillte deri në 25 milionë euro. Raportohet se vajza e implikuar në këtë veprmtari kriminale, ishte e para që ka paralajmëruar dy shqiptarët për policinë, para se të niseshin për të bërë pazaret e drogës. Më 5 shkurt vëllezërit kanë mbërritur në Trieste, dhe policia ka vëzhguar lëvizjet e tyre.
Të nesërmen ata kanë marrë autostradën dhe në vend që të nisen për në Modena, nisen për në Rubiera. Këtu, në një zonë industriale, është bërë dhe shkëmbimi i ndërprerë nga agjentët. Duke drejtuar kamionin e vjetër, pa GPS, i cili e bënte të pamundur rikonstruksionin e të gjithë itinerarit të tij, 43-vjeçari në timon kishte gjithashtu precedentë të pastër penalë dhe ishte paraprakisht i dyshuar. Sakaq pas zbulimit të drogës është bërë i mundur arrestimi i të tre shqiptarëve të cilët janë dërguar në burg me urdhër të Prokurorisë së Reggio Emilia.
