Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Credins bank kurorëzohet me çmimin më të rëndësishëm të vitit “Best Bank for Corporate Responsibility 2026&rdq...
AKTUALITET
Sherr masiv me thika në Korçë, drejtësia "mbyll" sytë: Vetëm një u pa fajtor
PiranjatPërditësimi i fundit 4 Shtator 2025, 13:59
Gjykata e Korçës dha ditën e sotme masat e sigurisë për 10 të arrestuarit për sherrin me thika që ndodhi mes dy grupeve në një lokal, pranë parkut të qytetit mbrëmjen e 31 Gushtit, ku dy persona mbetën të plagosur.
Vetëm për njërin prej tyre është lënë në fuqi masa e sigurisë “arrest me burg”, i cili akuzohet se ka kryer plagosjet me thikë, ndërsa 9 të tjerët janë liruar nga burgu duke iu caktuar masa e sigurisë “detyrim paraqitje”.
Mësohet se në ka mbetur shtetasi Dritan Pino, 54 vjeç, banues në Korçë, i akuzuar për veprat penale “Vrasja me dashje”, mbetur në tentativë, “Plagosja e rëndë me dashje”, “Plagosja e lehtë me dashje”, “Shkatërrimi i pronës”, “Deklarimi i rremë para oficerëve të policisë gjyqësore”, “Prishja e qetësisë publike” dhe “Prodhimi, mbajtja, blerja apo shitja pa leje e armëve të ftohta”.
Masa “detyrim paraqitje” u është vendosur shtetasve: Petrika Ropi, 28 vjeç, Ilir Shukulli, 51 vjeç, Rafail Kocaqi, 21 vjeç, Salvi Asllan, 21 vjeç, Mihal Zhidro, 31 vjeç, Serxhio Mema, 25 vjeç, Gersi Dervishi, 37 vjeç, Sotiraq Shkurti, 31 vjeç, dhe Kristi Lamçe 29 vjeç, të gjithë banues në Korçë, të akuzuar për veprat penale “Plagosja e rëndë me dashje”, “Plagosja e lehtë me dashje”, “Shkatërrimi i pronës”, “Deklarimi i rremë para oficerëve të policisë gjyqësore” dhe “Prishja e qetësisë publike”.
Nga kjo ngjarje mbetën të plagosur shtetasit Sotira Shkurta dhe Mihal Zhidro, teksa vijon të jetë ende në kërkim shtetasi E. K., 38 vjeç, banues në Korçë, i dyshuar si i përfshirë në konflikt.
Ndërkohë, Blutë e Korçës proceduan penalisht në gjendje të lirë edhe pronarin e lokalit ku ndodhi sherri, shtetasin R. I., 45 vjeç, banues në Korçë, për veprën penale “Punësimi i paligjshëm”, pasi nga verifikimet rezultoi se kishte punonjës të paregjistruar në organet kompetente.
