Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Shfrytëzonin një 26-vjeçare për prostitucion/ Arrestohen 2 persona në Gjirokastër, procedohen penalisht 2 të tjerë për moskallëzim krimi
m.lPërditësimi i fundit 19 Prill 2025, 10:58
GJIROKASTËR- Dy persona janë arrestuar ditën e sotme në qytetin e Gjirokatrës për shfrytëzim për prostitucion të një 26-vjecarja. Sipas veprimeve hetimore rezulton se autorët e arrestuar me inicialet R. L. dhe K. D, kanë bashkëpunuar me njëri-tjetrin për të shfrytëzuar për prostitucion vajzën nga Berati. Sakaq ka nisur procedimi penal për H. I dhe R. N për veprën penale 'moskallëzim krimi'.
Si rezultat i finalizimit të operacionit policor të koduar 'Last Night', policia ka bërë të mundur kapjen dhe vëniën në pranga të dy autorëve si edhe sekuestrimin e një shumë parash, që dyshohet të jenë përfituar nga kjo veprimtari dhe 6 celularëve.
NJOFTIMI:
DVP Gjirokastër/Finalizohet operacioni policor i koduar “Last night”. Shfrytëzonin një 26-vjeçare për prostitucion, kapen dhe vihen në pranga 2 shtetas. Procedohen penalisht 2 shtetas të tjerë për moskallëzim krimi. Sekuestrohet një shumë parash të dyshuara të përfituara nga kjo veprimtari e paligjshme dhe 6 celularë.
Specialistët e Seksionit për Hetimin e Trafiqeve të Paligjshme në DVP Gjirokastër, në bashkëpunim me Stacionin e Policisë Memaliaj, si rezultat i veprimeve hetimore të kryera nën drejtimin e Prokurorisë, pas informacioneve të siguruara nga inteligjenca policore, për një rast të prostitucionit, kanë organizuar dhe finalizuar operacionin e koduar “Last night”.
Nga veprimet hetimore ka rezultuar se shtetasit R. L., dhe K. D., në bashkëpunim me njëri-tjetrin, shfrytëzonin për prostitucion një 26-vjeçare nga Berati, e cila e ushtronte prostitucionin në qytete të ndryshme. Në përfundim të veprimeve, u ndaluan shtetasit R. L., 27 vjeç banues në Tiranë dhe K. D., 31 vjeç, banues në Grabjan, Divjakë, për veprën penale “Shfrytëzimi i prostitucionit”, kryer në bashkëpunim.
Gjithashtu, nisi procedimi penal për shtetasit H. I., 40 vjeç, banues në Tropojë dhe R. N., 36 vjeç, banues në Libofshë, Fier, për veprën penale “Moskallëzimi i krimit”, pasi kishin dijeni për këtë rast dhe nuk kishin kallëzuar. Në cilësinë e provës materiale u sekuestruan një shumë parash të dyshuara të përfituara nga kjo veprimtari e paligjshme, si dhe 6 celularë. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
