Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Shkaktoi aksidentin me 1 viktimë dhe 3 të plagosur në autostradën "Tiranë-Durrës", arrestohet shoferi 70-vjeçar
b.zPërditësimi i fundit 18 Shkurt 2025, 16:30
Foto ilustruese
TIRANË - 70-vjeçari me iniciale I.L, është arrestuar nga Policia këtë të martë pasi një ditë më parë përplasi me makinë 4 të rinj, njëri prej të cilëve humbi jetën.
Ngjarja e rëndë u regjistrua në autostratën "Tiranë-Durrës", dhe viktimë mbeti Gëzim Muçaj 28-vjeç, ndërsa të plagosur kanë mbetur Eduart Ripa, Ervin Qira dhe Shkëlqim Doci.
Njoftimi i Policisë:
"U arrestua shtetasi I. L., 70 vjeç, pasi mëngjesin e djeshëm, me automjetin që drejtonte, ka përplasur 4 shtetas që kishin ndaluar në rrugë, pas një aksidenti tjetër. Si pasojë ka humbur jetën shtetasi G. M., drejtuesi i automjetit të ndaluar, si dhe janë dëmtuar 3 pasagjerët të cilët ndodhen në spital, në kujdesin e mjekëve"
4 të rinjtë ishin duke shkuar për në punë me një mjet tip furgon, në momentin që shoferi i mjetit (28-vjeçari Muçaj) humb kontrollin dhe përplaset me trafikndarëse. Pasi furgoni është përplasur me trafikndarësen 4 të rinjtë që ndodheshin brenda tij kanë dalë të shohin dëmtimet dhe në ato momente një automjet tjetër ka ardhur me shpejtësi dhe i ka përplasur. Përplasja rezultoi fatale për Muçajn i cili ka ndërruar jetë rrugës për spital, ndërsa tre të plagosurit e tjerë ndodhen tek Spitali i Traumës në Tiranë në gjendje të rëndë.
