Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
Shkaktuan 3 mln lekë dëm duke ndërhyrë në lumin Vjosë, dërgohen në gjyq tre persona
b.zPërditësimi i fundit 15 Maj 2024, 11:16
Prokuroria Fier
FIER - Prokuroria e Fierit ka dërguar në gjyq tre persona, të cilët akuzohen se kanë ndërhyrë në lumin Vjosa dhe kanë shkaktuar një dëm prej 3 milionë lekësh. Në njoftimin zyrtar sqarohet se në gjyq janë dërguar personat me iniciale A.L, E.L dhe F.S të akuzuar për veprën penale “Dëmtimi i habitateve në zonat e mbrojtura mjedisore”.
Tre të pandehurit e lartpërmendur akuzohen se kanë marrë zhavorr në lumin Vjosë, i cili është shpallur dhe “Park Natyror”, duke shkaktuar dëmin e llogaritur 3 milionë lekë.
Ndërhynë në Lumin Vjosë duke shkaktuar 3 milionë lekë dëm, Prokuroria Fier dërgon në gjyq 3 shtetas për ‘Dëmtim i habitateve në zonat e mbrojtura’
Prokuroria Pranë Gjykatës së Shkallës së Parë e Juridiksionit të Përgjithshëm Fier ka përfunduar hetimet dhe ka dërguar për gjykim procedimin penal në ngarkim të shtetasve A.L, E.L dhe F.S të akuzuar për veprën penale “Dëmtimi i habitateve në zonat e mbrojtura mjedisore”, e parashikuar nga neni 202/b dhe 25 i Kodit Penal. Nga ana e Gjykatës së Shkallës së Parë e Juridiksionit të Përgjithshëm Fier është pranuar kërkesa për ta dërguar çëshjen penale në gjykim.
Nga hetimet u provua se, të pandehurit në kundërshtim me kërkesat e legjislacionit në fuqi për zonat e mbrojtura, kanë kryer veprime që kanë shkaktuar përkeqësim të rëndë të habitatit, që ndodhet brenda zonës së mbrojtur mjedisore. Të pandehurit kanë kryer veprime drejtim të marrjes së zhavorrit në Lumin Vjosë, lum i cili është shpallur ‘Park Natyror’ përmes VKM nr. 59, datë 26.01.2022. Nga veprimet e kryera të pandehurit kanë shkaktuar një dëm në vlerën 3.000.000 lekë. Prokuroria Fier po ndjek me prioritet dhe është plotësisht e angazhuar për identifikimin dhe hetimin e veprave penale kundër mjedisit.
