Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
AKTUALITET
Shqipëria ndër destinacionet më të lira në Europë
PiranjatPërditësimi i fundit 8 Maj 2023, 15:30
Shqipëria dhe Maqedonia e Veriut janë renditur ndër gjashtë destinacionet verore më të lira për t’u vizituar në Europë, nga kompania e udhëtimeve Kayak. Shumë prej destinacioneve të përmendura janë në Europën Lindore, e cila zakonisht konsiderohet zona më e lirë për të udhëtuar në kontinent.
Sipas raporti të fundit nga Kayak, këto janë gjashtë destinacionet më të lira në Europë.
Në zemër të Rivierës Shqiptare, Saranda është një vend bregdetar i bukur dhe piktoresk, që dikur ishte një fshat peshkimi i fjetur. Qyteti ka klimë të favorshme, me 300 ditë me diell çdo vit.
Tërheqja kryesore për vizitorët është plazhi me rërë të bardhë, por nëse dëshironi të eksploroni përtej diellit dhe rërës, mund të vizitoni edhe Kalanë e Lëkurësit. Hyrja në kështjellë është falas, ideale për turistët që nuk duan të shpenzojnë shumë.
Një vakt i mirë në Sarandë do t’u kushtojë vizitorëve vetëm 6 dollarë për person.
Ndërsa Maqedonia e Veriut mund të mos jetë zgjedhja juaj e parë, kur mendoni për destinacionet Europiane të pushimeve, popullariteti i këtij vendi po rritet me shpejtësi.
Udhëtarët, që kërkojnë aktivitete falas në qytet, mund të shkojnë në shtëpinë përkujtimore të Nënë Terezës, e cila ka lindur atje, ose të eksplorojnë Kalanë e Shkupit.
Një darkë për dy persona kushton vetëm 18 dollarë, ndërsa një birrë 1,50 dollarë.
E vendosur në veriperëndim të Spanjës, përgjatë bregut të Atlantikut, Galicia ka të gjithë hijeshinë e destinacioneve më të njohura të vendit, si Andaluzia dhe Costa Brava, por me buxhet më ekonomik. Rajoni ka një trashëgimi të pasur kulturore dhe është i famshëm për ushqimet e detit.
Një kafe kushton 1,50 dollarë, ndërsa një vakt me tre pjata për dy persona kushton pak më shumë se 37 dollarë.
Turqia është një destinacion popullor për turistët, që nuk duan të shpenzojnë shumë. Dikur një fshat peshkimi i përgjumur, Turunci ka det të pastër kristal dhe plazhe me rërë të bardhë.
Në atmosferën e qetë dhe të relaksuar të fshatit, një vakt me tre pjata kushton vetëm 9,50 dollarë për person.
Golden Sands është një vendpushim i madh dhe popullor plazhi, i vendosur në Bregun e Detit të Zi të Bullgarisë. Katedralja e qytetit, dominon horizontin dhe hyrja është falas.
Në Golden Sands, një birrë kushton vetëm 70 cent, ndërsa një shishe ujë 50 cent. Një vakt me tre pjata për dy persona, kushton rreth 25 dollarë.
Ishulli i vogël spanjoll i Mallorca, ka qenë prej kohësh një destinacion popullor për turistët. Mallorca është e njohur për plazhet e bukura dhe limanet, si dhe për rrënojat e strukturave romake dhe moorish*. Sipas raportit të kryer nga Kayak, në Palma vizitorët mund të shpenzojnë 44 dollarë në ditë për ushqim dhe pije./ Travel Off Path
* Arkitektura Moorish u zhvillua në botën perëndimore islame, veçanërisht al-Andalus, e cila dikur ishte Portugalia dhe Spanja e sunduar nga myslimanët.
