Kryeministri Edi Rama përmes një postimi në “Facebook” ka ndarë pamje nga takimi i zhvilluar këtë të diele n&eu...
AKTUALITET
“Shteti të garantojë sigurinë”, thirrja e fortë e protestuesve në Durrës pas vdekjes së dy fëmijëve
PiranjatPërditësimi i fundit 6 Maj 2026, 17:55
Banorët e Durrësit dolën sot në protestë para Bashkisë, pas aksidentit tragjik që u mori jetën dy fëmijëve të mitur në lagjen nr.15 të Spitallës. Ngjarja e së dielës ka tronditur komunitetin, ndërsa qytetarët kërkojnë masa të menjëhershme për sigurinë në rrugë dhe mbrojtjen e fëmijëve.
Protesta u shoqërua me thirrje të forta ndaj institucioneve lokale dhe qendrore.
Një prej banorëve, duke folur para turmës, artikuloi qartë kërkesat dhe dhimbjen e komunitetit: “Dua t’u falënderoj të gjithëve, nga i madh te i vogël që keni marrë pjesë. Dua t’i rikujtoj çdokujt që ne kemi dalë për një vend më të sigurt, për fëmijët tanë dhe që lagjet të jenë të sigurta. Çdo lagje e Durrësit duhet të jetë e sigurt. Çdo masë të merret dhe çdo rrugë duhet të ketë kontrolle të shumta.”
Ai shtoi se përgjegjësia është individuale dhe institucionale njëkohësisht. “Çdo individ këtu është shofer, prind, dhe duhet të mbajë përgjegjësinë e vet. Dua t’i lutem bashkisë që të ndërtohen parqe për këta fëmijë”, tha ai.
Banori theksoi gjendjen e rëndë emocionale në lagje dhe frikën që ka kapluar fëmijët.
“Nga tragjedia që na ka ndodhur ne në lagje, lagjja jonë është në zi. Uroj që prezenca jonë të dëgjohet jo vetëm në Durrës, por në të gjithë Shqipërinë. Na kanë ikur dy engjëj, më të mirët. Uroj që fjala jonë të zërë vend këtë herë”, vijoi ai.
Ngjarja ndodhi kur Nikoll Radaçi, duke drejtuar një automjet tip “Benz ML” me shpejtësi tej normave, përplasi për vdekje dy fëmijë që po luanin në trotuar dhe plagosi një të tretë. Rasti ka rikthyer në qendër të vëmendjes mungesën e kontrollit në rrugë dhe nevojën për ndërhyrje të menjëhershme nga autoritetet.
