Drejtori i Përgjithshëm i Policisë së Shtetit, Skënder Hita ka mbërritur në Drejtorinë e Policisë së Kor&cce...
AKTUALITET
Si do të funksionojë terapia hormonale? Deklarata e fortë e zëvendësministres: E miratuam sepse...
PiranjatPërditësimi i fundit 29 Maj 2026, 21:59
Pas publikimit të udhëzuesit për terapinë hormonale, zëvendësministrja e Shëndetësisë, Eugena Tomini ka sqaruar se dokumenti nuk është një protokoll trajtimi, por një udhëzues orientues i bazuar në rekomandime ndërkombëtare dhe praktika klinike.
Në “Çdo kënd me Merita Haklajn” në A2 CNN, Tomini theksoi se dokumenti është hartuar nga shërbimi universitar i endokrinologjisë pranë Qendra Spitalore Universitare Nënë Tereza dhe synon të orientojë profesionistët e shëndetësisë në trajtimin e rasteve që mund të kërkojnë këshillim ose vlerësim për terapi hormonale.
“Është një udhëzues tipik klinik i cili nuk ndikon absolutisht në asnjë protokoll a klinik në drejtim të trajtimit të terapisë hormonale, por është vetëm një udhëzues orientues. Që do të thotë është jemi në fazën e parë apo në fazat fillestare të nxjerrjes së një udhëzuesi me rekomandime specifike për shërbimin, i cili sigurisht ka disa muaj që punon në drejtim të hartimit të një udhëzuesi të tillë. Ndërkohë duhet të saktësoj, nuk është një protokoll trajtimi, por është një udhëzues orientues, i cili pasohet më pas me hapa të tjerë qoftë administrativ qoftë orientues klinik”, tha ajo në Çdo kënd me Merita Haklajn në A2 CNN.
Tomini hodhi poshtë shqetësimet se udhëzuesi lidhet me të miturit, duke deklaruar se çdo procedurë e mundshme do të zbatohej vetëm për persona mbi 18 vjeç dhe vetëm pas dhënies së pëlqimit individual.
“Udhëzuesi ka një pjesë hyrëse ku reflektohet se si operohet në drejtimin shkencor të zhvillimit të orientuar drejt trajtimit hormonal apo drejt këqyrjes hormonale, nevojës hormonale në profile të caktuar individësh. Reflektohen studimet shkencore të hartuara apo të realizuara në nivel ndërkombëtar. Ky lloj informacioni nuk duhet të keqinterpretohet mbi moshën. Unë jo vetëm e reflektuar në udhëzues, por e saktësoj. Element tepër i rëndësishëm i udhëzuesit është edhe konsenti individual për informimin se cilat janë procedurat dhe cilat janë benefitet, por njëkohësisht ky konsent jepet nga një individ adult dhe pa diskutim që udhëzuesi reflektohet vetëm për moshën adulte. Konsent individual dhe mosha adulte është mbi 18 vjeç. Është konsent i individit që individi është i maturuar, është adult i cili do t'i japi konsentin nëse jemi brenda këtij grupi popullate target. Nuk ka asnjë element që udhëzuesi reflekton. Po të hyni në detaje të udhëzuesit që të reflektojë dhe të ndajë kategoritë moshore për të cilat reflektohet nëse do të kemi terapi hormonale apo jo".
Zëvendësministrja theksoi gjithashtu se çdo rast do të vlerësohet nga një ekip multidisiplinar i përbërë nga endokrinologë, psikiatër dhe specialistë të tjerë, ndërsa procesi ndodhet ende në fazat fillestare dhe nuk ka ende vendime për zbatimin e terapisë hormonale apo për financimin e saj nga sistemi shëndetësor.
Sipas saj, dokumenti është pjesë e procesit të përafrimit të legjislacionit dhe standardeve shqiptare me direktivat e Bashkimi Europian në fushën e shëndetësisë.
“Ne nisemi jo vetëm nga direktiva të Bashkimit Europian, jo vetëm nga akte të cilat përsëri do të përvijojnë në kuadër të përafrimit të direktivave. me Bashkimin Europian, hapa të cilat pasojnë njëri mbas tjetrit në drejtim të arritjes së finishit, atë të aderimit në Bashkimin Europian. Sigurisht që elementë të tjerë të shëndetit apo të shëndetit publik apo të Ministrisë së Shëndetësisë në përgjithësi i atribuohen edhe shumë udhëzues të tjerë apo protokolle klinike, të cilat sigurisht plane veprimi strategji që ecin me të njëjtin hap në drejtim të direktivave të Bashkimit Europian. Është një udhëzues i cili është hartuar nga shërbimi universitar i endokrinologjisë pra në Qendrën Spitalore Universitare dhe është një grup pune, i cili e ka orientuar hartimin e një udhëzuesi të tillë. Sigurisht që ka kaluar strukturë të cilën siç është agjencia kombëtare e akreditimit në drejtim të profilit që jep udhëzuesi dhe kur themi që është një udhëzues dhe nuk është një protokoll, nuk ka asnjë element referues për sa i përket medikamenteve hormonalë, sepse duhet të kemi një plan të mirëfilltë për përfshirjen dhe për futjen në zbatim të këtij udhëzuesi që më pas nesër do të kërkojë elementë të tjerë administrativ”, tha ajo në A2 CNN.
Drejtoria e Tatimeve i ka sekuestruar një qytetari 8 makina luksoze, pasi ai nuk i kishte paguar shtetit një detyrim tatimor prej 6.4 mln euro.
N&eum...
