Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Sinan Idrizi: Gazetarët e Piranjave ishin të armatosur me armë të sofistikuara
PiranjatPërditësimi i fundit 14 Shtator 2025, 16:05
Klubi i Flamurtarit ka reaguar në faqen zyrtare, pas publikimit të videos ku presidenti i klubit vlonjat, Sinan Idrizi, së bashku me presidentin e Tiranës, Refik Halilin shfaqeshin duke dhunuar dhe kërcënuar gazetarin e Piranjave, Edon Kuqin dhe pjesën tjetër të stafit, që ishin në krye të detyrës.
Në postimin e klubit të Flamurtarit thuhet se grupi i xhirimit të Piranjave sipas tyre kanë qenë të pajisur me “armë”.
Deklarata absurde i kalon çdo kufi, kur mikrofonët dhe kamerat shpallen ‘armë të sofistikuara’. Kjo tregon se sa shumë i frikësohen gazetarëve, të cilët janë të pajisur vetëm me armën e tyre më të fuqishme: pyetjet dhe fjalën e lirë.
“ Flamurtari Football Club dënon me forcë ngjarjen e paprecedentë të ndodhur dje gjatë ndeshjes Tirana - Flamurtari. Gjatë zhvillimit të aktivitetit, një grup i paidentifikuar personash ndërhyri në mënyrë të paligjshme, duke penguar administratorin e klubit tonë të kryente funksionet e tij. Ky akt është i papranueshëm dhe përbën një përpjekje të qartë për të denigruar dhe penguar aktivitetin sportiv të Flamurtarit. Dyshimet tona janë serioze se anëtarë të këtij grupi, të kamufluar si gazetarë, kanë qenë të pajisur edhe me armë të sofistikuara, çka e bën edhe më të rëndë ngjarjen dhe rrezikun e krijuar për sigurinë e pjesëmarrësve. Falënderojmë drejtuesit e Klubit Tirana për ndërhyrjen e shpejtë dhe kontributin në normalizimin e situatës. Flamurtari F.C. do të ndjekë deri në fund çdo hap ligjor dhe do të kërkojë zbardhjen e plotë të këtij incidenti, në mënyrë që sporti shqiptar të mos bëhet peng i akteve të dhunshme dhe tentativave për intimidim.”-shkruhet në postim
Rikujtojmë se stafi i Piranjave shkuan në stadiumin “Selman Stërmasi” për të kryer detyrën, me misionin e vetëm informimin mbi padrejtësitë të bëra ndaj dy sanitareve, që kanë qenë të punësuara tek një kompani e Idrizit, por aty u përballën me dhunë fizike dhe kërcënime serioze për jetën.
