Ka nisur protesta e pestë në mbrojtje të Zvërnecit, ku qytetarët kundërshtojnë projektin për ndërtimin e një r...
AKTUALITET
Zbardhen dhe dokumentohen 9 vjedhje në Tiranë, mes tre të arrestuarve edhe dy minorenë
PiranjatPërditësimi i fundit 14 Shtator 2025, 12:56
Tre persona përfunduan në pranga në kuadër të dy operacioneve të ndryshme të zhvilluara nga policia e Tiranës.
Fillimisht është arrestuar një 26-vjeçar, i cili vjedh një telefon celular në një fastfood ndërsa kishte shkuar për të ngrënë. Dy adoleshentë u arrestun në një operacion të dytë për disa vjedhje skuterash në zonën e astirit.
Njoftimi:
Në kuadër të operacionit policor të koduar “Recidivisti”, të finalizuar nga Komisariati i Policisë Nr. 1, në bashkëpunim me Komisariatin e Policisë Vlorë, u bë kapja dhe ndalimi i shtetasit E. R., 26 vjeç. Ky shtetas dyshohet si autori i 5 vjedhjeve në subjekte të ndryshme, të portofolave, aparateve celularë dhe shumave të parave.
Në kuadër të operacionit policor të koduar “Duo”, të finalizuar nga Komisariati i Policisë Nr. 6, u bë ndalimi i dy shtetasve të mitur, të moshave 14 dhe 15 vjeç. Këta shtetas, në bashkëpunim me njëri-tjetrin, dyshohen si autorë të 4 vjedhjeve, ku kanë vjedhur 1 motomjet në Astir, 2 dyqane ku kanë marrë sende të ndryshme dhe shuma parash, si dhe një send brenda një automjeti, në muajt gusht dhe shtator.
Punohet për dokumentimin e vjedhjeve të tjera që mund të jenë kryer nga këta shtetas.
Materialet i kaluan Prokurorisë, për veprime të mëtejshme procedurale.
