Qytetarë, ambientalistë dhe aktivistë të shoqërisë civile janë mbledhur këtë mbrëmje në Tiranë p&e...
AKTUALITET
Sinan Idrizit i ka mbaruar kontrata e “Flamurtari”-t më 22 gusht; po mbahet për pazarin e kullave rrotull stadiumit
PiranjatPërditësimi i fundit 17 Shtator 2025, 17:09
Këshilli Bashkiak i Vlorës miratoi me votat e socialisteve projektin për rijetëzimin e kompleksit sportiv “Flamurtari”, pallatit të sportit dhe hapësirave urbane përreth. Vendimi u shoqërua me debate të forta, pasi përveç stadiumit të ri, projekti parashikon edhe ndërtimin e disa kullave shumëkatëshe.
Sipas pazarit Sinan Idrizi, nën maskën e kompanive turke “TRK GROUP” dhe “ATLAS Global”stadiumin e Vlorës dhe kullat rrotull tij, do t’i ndërtojë ai. Ajo që po ndodh në Vlorë nuk është një projekt zhvillimi. Është epilogu i një politike grabitjeje që ka nisur prej kohësh.
Korporata e Investimeve, një strukturë e ngritur për të kamufluar zhvatjen, është caktuar të menaxhojë 62 mijë metra katrorë tokë publike, duke përfshirë pallatin e sportit dhe stadiumin e qytetit. Kjo tokë, që i përket komunitetit, do të kthehet në një “zonë e lirë” për kulla 35-katëshe, një tjetër Manhattan i betonit në zemër të qytetit bregdetar.
Kjo pasi, Idrizi më 22 gusht 2025 i ka përfunduar kontrata, por ai lejohet të vazhdojë detyrën e administratorit, ndërsa Këshilli Bashkiak i Vlorës nuk po e largon nga detyra. Bashkë me kontratën e Sinan Idrizit, në datën 22 gusht 2025, ka përfunduar mandati i 4 anëtarëve të Këshillit Mbikëqyrës të Futboll-Klub “Flamurtari”, mes të cilëve është Sinan Idirizi. Emri i Sinan Idrizit shfaqet si përfitues i drejtpërdrejtë i kësaj skeme. Atij do t’i jepet tokë publike, në këmbim të ndërtimit të një pallati të ri sporti.
Një marrëveshje që do të ishte absurde edhe në një republikë bananesh.
Vlora nuk po zhvillohet. Vlora po shitet. Çdo metër tokë publike është kthyer në monedhë për të paguar aleancat e Ramës me oligarkët. Në vend që qyteti të ndërtojë hapësira për komunitetin, po zhvishet nga çdo aset. Dhe kur një pushtet i imponohet qytetit jo për ta zhvilluar, por për ta grabitur, nuk kemi të bëjmë më me qeverisje. Kemi të bëjmë me plaçkitje të organizuar, të firmosur nga Kryeministri dhe të zbatuar nga klientët e tij.
