Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Sistemet e AKBN, auditimi: Pa testime për emergjenca, raportimet online shfaqin probleme
M.BPërditësimi i fundit 21 Janar 2025, 12:42
TIRANA- Kontrolli i Lartë i Shtetit ka konstatuar se sistemet e teknologjisë së informacionit të Agjencisë Kombëtare të Burimeve Natyrore (AKBN) paraqesin disa ngërçe sa i takon rikuperimit të të dhënave në rast emergjence si dhe miratimi i planeve vjetore që ende bëhet me dosje fizike të subjekteve. Audtimi i publikuar së fundmi nënvizon se AKBN nuk disponon Politika të Sigurisë së Informacionit dhe një plan strategjik të përshtatshëm si mbështetje për sigurinë e informacionit.
Gjithashtu, konstatohet se ndërgjeshmëria në nivel institucional është e ulët për shkak se nuk janë zhvilluar trajnime mbi sistemet, sigurinë dhe Teknologjinë e Informacionit për të gjithë punonjësit. I njëjti raport vlerëson se nga AKBN nuk janë kryer asnjëherë testime për Disaster Recovery Site mbi funksionalitetet e tij në rast se do të ndodhnin evente me pasoja negative (rreziqe natyrore, katastrofa etj) në AKBN, duke sjellë risk të lartë në ndërprerje të shërbimeve dhe kohë të pacaktuar për rikthimin e shërbimeve dhe të dhënave në funksionalitet të plotë.
Audituesit e KLSH vlerësojnë gjithashtu se i gjithë procesi i raportimeve për subjektet minerare në sistem ngelet në statusin AKBN (Kontrollon), duke mos bërë dokumentimin si dhe gjurmimin rast pas rasti për secilin raportim që bëhet nëpërmjet sistemit.
“Nga auditimi konstatohet se subjektet për një raportim sipas udhëzimeve përkatëse mund të plotësojnë disa rekorde dhe ti dërgojnë në fazën AKBN (Kontrollon) pa marrë feedback nga rekordi i parë i plotësuar në sistem. Konstatohet se për disa subjekte ekzistojnë në sistem 2 ose më shumë rekorde për një fazë raportimi.
Sistemi gjeneron raport për të gjitha rekordet e hedhura dhe pse një pjesë e tyre mund të ketë të dhëna të pa plotësuara ose të jenë dublikim për të njëjtin subjekt. Të gjitha këto raste kontrollohen dhe modifikohen manualisht nga punonjësit e sektorit të Procedurave Statistikës, Garancive Financiare, Koordinimit dhe GIS me qëllim gjenerimin e raportimeve informative për AKBN dhe MIE”, vlerëson KLSH.
Po kështu sa i takon auditimit mbi miratimin e planeve vjetore që subjektet duhet të bëjnë nëpërmjet sistemit konstatohet se nuk realizohet/përdoret nëpërmjet sistemit dhe pse është bërë i mundur konfigurimi që ky shërbim të bëhet nëpërmjet tij. Komisioni i cili ka akses të plotë për të parë dosjet dhe për ti verifikuar dhe për të proceduar me dosjet përkatëse nuk është loguar asnjëherë në sistem me qëllim marrjen e informacionit dhe e gjithë proceduar bëhet me dosje fizike.
Në finale KLSH konstaton raste kur subjektet minerare kanë raportuar jashtë afateve sipas përcaktimeve ligjore për Sektorin Minerar në Republikën e Shqipërisë për të cilët nuk është aplikuar gjobë sipas legjislacionit në fuqi. Sistemi nuk ka kontrolle për raportimet e subjekteve të cilat janë jashtë afatit ligjor.
Afati i raportimeve që bëjnë subjektet nuk ka politikat e kontrollit në sistem për të parë vlefshmërinë e tij, konstatohet se sistemi i lejon subjektet të bëjnë raportimet dhe pse janë jashtë afatit ose para afatit dhe verifikimi për këto subjekte bëhet manualisht pas faktit./ Monitor
