Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
"Skemë për marrjen e të dhënave të llogarive bankare"/ Policia thirrje qytetarëve: Kujdes gjatë përdorimit të aplikacionit “PLINKO”
S.BPërditësimi i fundit 17 Shtator 2024, 15:13
TIRANË- Policia i ka bërë thirrje qytetarëve ditën e sotme që të kenë kujdes në përdorimin e aplikacionit “PLINKO”. Sipas policisë ky aplikacion reklamon lojëra online ku përdoren videot e njerëzve të famshëm që luajnë këtë lojë, gjë që në fakt është mashtrim.
Kjo skemë sipas policisë është për marrjen e të dhënave të llogarive bankare. Apelohet për prindërit që të tregojnë kujdes me fëmijët, pasi duke dhënë të dhëna personale dhe të llogarive bankare, mund të tërhiqen para nga llogaria e tyre.
Njoftimi i policisë:
Apel për kujdes gjatë përdorimit të aplikacionit “PLINKO”
Kohët e fundit, në rrjetet sociale po reklamohen lojëra nëpërmjet të cilave fitohen para.
Për ta bërë të besueshme, përdoren videot e njerëzve të famshëm që luajnë këtë lojë, gjë që në fakt është mashtrim.
Ofruesit e lojërave kërkojnë numrat e llogarive bankare. Kjo është një skemë për marrjen e të dhënave të llogarive bankare, nga të cilat mund t’iu merren shuma monetare.
Nisur nga rastet e shtuara të përdorimit të këtij aplikacioni, kryesisht nga nxënësit, me qëllimin për të fituar para, Policia e Shtetit apelon për prindërit që të tregohen të kujdesshëm, për të mos lejuar fëmijët që të përdorin këtë aplikacion dhe në rastet kur ata e përdorin, të tregojnë kujdes, pasi duke dhënë të dhëna personale dhe të llogarive bankare, mund t’iu tërhiqen para nga llogaria juaj.
