Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
"SPAK u përdor si certifikues i zgjedhjeve!" Operacioni "Ura"/ Gazetari: Kulmi i fuqisë së klanit "Poja" është mandati i tretë i qeverisë "Rama"
M.B.Përditësimi i fundit 22 Maj 2025, 22:00
TIRANA- Gazetari Artan Hoxha ka ndarë detaje lidhur me operacionin "Ura" që goditi një grup kriminal të fokusuar në trafikun ndërkombëtar të drogës. I ftuar në ‘Çim Peka LIVE’ Hoxha u shpreh se, klani "Poja" në Durrës, kulmin e ka pasur në mandatin e tretë të qeverisjes së Edi Ramës. Sipas tij, SPAK ndikoi në zgjedhjet e 11 majit, sepse goditjen e la ta bënte pasi klani ndikoi në rezultatin e Durrësit, duke nxjerrë deputetë nga lista për PS-në.
Hoxha tha se SPAK u përdor si certifikues, dhe sipas tij kjo ishte detyra e tyre. Gjithashtu ai tha se nëse një ekspoze e tillë do të ishte bërë për çdo qark, për qarqet kryesore, ku rezultati është ai që ka trembur edhe ata që fituan, patjetër që do kishe një rezultat tjetër.
"Ca u intereson atyre një deputet. Një deputet sot në Kuvendin e Shqipërisë, pothuajse nuk ka asgjë në dorë. Por një deputet, është shumë i rëndësishëm për mandatin e atij që qeveris vendin. Por financimi i një, dy, apo tre deputetëve është financim që ata japin për koncesionet që ata do marrin nga pronari i vërtetë i portit. Ky është haraçi që ata paguajnë për atë që qeveris dhe drejton vendin, në mënyrën që ai të krijojë infrastrukturën e duhur që ata të vazhdojnë aktivitetin.
Kur të ngeli porti zbuluar, kur u vra Mond Çekiçi në mars 2021, para zgjedhjeve u vra Mond Çekiçi dhe porti ngeli krejt zbuluar. Aktiviteti më i madh i këtij klani është gjatë mandatit të tretë të qeverisë Rama. Ata kanë një historik që nga viti 2000, por kur dolën ata në skenë? Mbas 2013, grupet e Tiranës në aleancë me grupin e Durrësit, shkuan aty, u përballën fillimisht për hotel ‘Vollgën’, u përballën për të mbajtur nën kontroll territorin. Pamë përplasje, të vrarë, pamë një bilanc që këta nuk ishin në sulm, por në mbrojtje dhe këta kishin një avantazh edhe në popullatë.
‘Task Forca’ dhe këto institucione kur të hynin në atë zonë, do të përballeshe me blloqe betoni. Kufizonin qarkullimin e makinave aty, po të ishe i panjohur, do të ndalonin. Si është e mundur që ke gjithë këto elementë dhe ti nuk reagon, në fakt është një fuqi madhore që të pengon ty të reagosh. Kur reagon ti? Pasi kanë mbaruar zgjedhjet ti reagon. Dhe pasi kanë mbaruar zgjedhjet, ti do dëgjosh kush janë grupet e radhës. Kanë mbaruar punë, u mor mandati, nuk i duhen më.
Kombinimi për fitoren e zgjedhjeve, do të bëhet me këtë ‘Task Forcen’ dhe SPAK. Kjo është skema. SPAK nuk veproi e bënë vetë ata. Ata nuk kërkojnë që t'i ndihmosh, ata kërkojnë na lër rrugën e lirë. SPAK u përdor si certifikues, kjo ishte detyra e tyre. Nëse ky operacion do të ishte bërë 10-20 ditë para zgjedhjeve, padiskutim që do të ndikonte në Durrës. Nëse një ekspoze e tillë do të ishte bërë për çdo qark, për qarqet kryesore, ku rezultati është ai që ka trembur edhe ata që fituan, unë po të them se, patjetër që do kishe një rezultat tjetër. Kulmi i fuqisë së klanit ‘Poja’ është mandati i tretë i qeverisë Rama, që nga marsi i vitit 2021 deri tani. Këtu grupi numër 1 është shteti, është kryeministri", tha Hoxha.
