Pamje të rënda janë publikuar nga protesta studentore në Tiranë. Siç shihet edhe në video, një i ri nga Tirana ...
AKTUALITET
SPAK zbuloi se ishin të përfshirë në trafik droge/ Pezullohen nga detyra tre shefat e policisë, nis hetim disiplinor ndaj tyre për shkelje të rëndë
r.llPërditësimi i fundit 2 Mars 2025, 14:02
foto ilustruese
TIRANË- Dy shefat e policisë të arrestuar nga operacioni antidrogë i SPAK dhe një tjetër i shpallur në kërkim janë pezulluar nga detyra. Konkretisht të pezulluar janë Shkëlzen Rasku me detyrë Shef i Seksionit për Hetimin e Krimeve në Komisariatin e Policisë Himarë (i arrestuar), Ervis Alisinanaj me detyrë Shef i Seksionit për Hetimin e Krimeve në Komisariatin e Policisë Lushnjë (i arrestuar) dhe Elvis Dërvishi me detyrë Shef i Komisariatit të Policisë Kufitare Sarandë (i shpallur në kërkim). Policia e Shtetit bën me dije se ndaj tyre ka nisur hetimi disiplinor për shkelje të rëndë.
Një njoftimin e SPAK thuhet se ata duke shfrytëzuar pozicionin e tyre të atëhershëm si punonjës të policisë së shtetit, ndihmonin drejtuesit e grupit të strukturuar kriminal, me këshilla dhe informacione të vazhdueshme për mirëfunksionimin e veprimtarisë kriminale në lidhje me trafikimin e narkotikëve, si dhe duke u siguruar anëtarëve të tjerë të grupit të strukturuar kriminal siguri në këtë veprimtari.
NJOFTIMI I POLICISË SË SHTETIT:
Në vijim të veprimeve të kryera në kuadër të operacionit policor të zhvilluar nga SPAK, BKH, AMP dhe Policia e Shtetit, në funksion të procedimit penal nr. 169 të vitit 2022, ku gjatë operacionit u arrestuan dy punonjës policie dhe një tjetër u shpall në kërkim, ju informojmë se:
Drejtoria e Standardeve Profesionale në DPPSH, bazuar në nenin 121 të Ligjit 82/2024 “Për Policinë e Shtetit” dhe në nenin 222 të Rregullores së Policisë, ka bërë menjëherë pezullimin pa pagesë të tre punonjësve të policisë, konkretisht:
• Sh. R., me detyrë Shef i Seksionit për Hetimin e Krimeve në Komisariatin e Policisë Himarë. • E. A., me detyrë Shef i Seksionit për Hetimin e Krimeve në Komisariatin e Policisë Lushnjë. • E. D., me detyrë Shef i Komisariatit të Policisë Kufitare Sarandë, i shpallur në kërkim.
Gjithashtu, Drejtoria e Standardeve Profesionale ka nisur hetimin disiplinor për shkelje të rëndë ndaj këtyre punonjësve.
Policia e Shtetit vijon bashkëpunimin me të gjitha agjencitë ligjzbatuese për evidentimin dhe largimin nga radhët e saj të punonjësve që cenojnë imazhin e Organizatës së Policisë së Shtetit.
