Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
AKTUALITET
"Merru me këto se do me çmendësh"/ Tenderi i Unazës së Madhe, Balluku-Beriberit: S'më pëlqen fare që unë nuk di çfarë bën ti
PiranjatPërditësimi i fundit 17 Dhjetor 2025, 15:12
Janë publikuar pjesë nga një dosje hetimore që përmban komunikime mes zv.kryeministres Belinda Balluku dhe Evis Berberit, lidhur me supervizimin e punimeve të Unazës së Madhe dhe kontratat e mirëmbajtjes rrugore. Në biseda diskutohet për hapjen e procedurave të supervizionit, kohëzgjatjen e kontratave trevjeçare dhe ndikimin financiar të tyre, duke u shprehur shqetësime për nisjen e disa proceseve pa miratim dhe për mungesë informacioni mbi vendimmarrjen.
Nga komunikimet rezulton pakënaqësi e theksuar për faktin se janë hapur disa kontrata supervizimi për mirëmbajtjen e akseve rrugore në disa rajone të vendit. Në mesazhe përmendet edhe emri i kryeministrit Edi Rama, ndërsa shfaqen debate mbi dakordësime të supozuara dhe kritika për veprime të kryera pa dijeninë e plotë të drejtueses politike. Balluku shpreh kundërshtime për afatin trevjeçar të kontratave dhe thekson se financat nuk lejojnë hapjen e proceseve të reja.
Përgjimet:
Belinda Balluku: I mbuluar nga xhepi vet media… Ty një të kam lënë! Ngele duke e bere çorap”.
Në orën 18:02, Evis Berberi: “Kuptova”.
Në orën 18:05, Belinda Balluku: “Ke nje supervizion mirembajtje”.
Në orën 18:05-18:06, Evis Berberi: “Po Më thuaj”.
Në orën 18:07, shtetasja Belinda Balluku ka dërguar një fotografi, si ajo nga sistemi elektronik i prokurimeve, në të cilën janë listuar procedurat e prokurimit të publikuara nga Autoriteti Rrugor Shqiptar:
Në datën 17.03.2022, konkretisht: Loti 4: Kontrata D “Supervizon punimesh mirëmbajtje me performancë e akseve kryesore të rajonit Jugor”;
Loti 3: Kontrata C “Supervizon punimesh mirëmbajtje me performancë e akseve kryesore të rajonit Qendor dhe Juglindor”;
Loti 2: Kontrata B “Supervizon punimesh mirëmbajtje me performancë e akseve kryesore të rajonit Qendor dhe Verilindor”;
Loti 1: Kontrata A “Supervizon punimesh mirëmbajtje me performancë e akseve kryesore të rajonit verior”;
“Supervizion per Mirembajtjen me performance të segmenteve rrugore të shtuara me VKM nr. 600, date 13.10.2021”.
Pasi dërgon këtë fotografi,
Në orën 18:08-18:09, shtetasja Belinda Balluku: “Per kte flet ky se ka rene dakord me Ramen! Dyta pse ia ke bere për 3 vite? Se është çmenduri! Merru me kto se do me çmendesh Sqaroji atij kurve qe nuk do hapen procese te reja se nuk lejojne financať”.
Në orën 18:09, Evis Berberi: “Ok”.
Në orën 18:09, Belinda Balluku: “Ca jane kto supervizione qe paske hap ti???”. |
Në orën 18:10, Evis Berberi: “Po pra për tre vite! Janë të mirëmbajtjes “.
Në orën 18:10, Belinda Balluku: “Kane mirembajtjet supervizion? Se I ke hapur ti? E po nje do ta marr ky super k… ia ka premtuar R”.
Në orën 18:11, Evis Berberi: “Po BB i kishte një të madhe unë i ndava që të akomodonim sa më shumë.
Në orën 18:11, Belinda Balluku: “Sme pëlqen fare qe une nuk di cfare ben ti”.
Në orën 18:11, Evis Berberi: “Po kë të dojë”.
Në orën 18:18, Belinda Balluku: “Jo ke te doje jo”.
Në orën 18:18, Evis Berberi: “Të vi në MIE”.
Pas këtyre komunikimeve të zhvilluara me shtetasen Belinda Balluku, rezulton se shtetasi Evis Berberi komunikon me shtetasin Rais Petrela në aplikacionin “Whatsapp”.
