Përdoruesit e platformave Facebook, Instagram dhe Messenger kanë raportuar probleme me funksionimin e tyre pasditen e së mërkurës, 22...
AKTUALITET
Tender për një pallat fantazmë, si falsifikuan dokumentet zyrtarët e bashkisë Tiranë dhe firmat e ndërtimit
PiranjatPërditësimi i fundit 10 Dhjetor 2025, 19:41
Detaje të reja janë zbardhur nga dosja hetimore që çoi nën masa sigurie pesë zyrtarë të Bashkisë së Tiranës dhe tre përfaqësues të kompanive private, të akuzuar për abuzim me fondet publike. Hetimi nisi pas kallëzimit të një qytetari, i cili pretendoi se në vitin 2021 bashkia i kishte shembur banesën pa njoftim dhe pa vendim zyrtar. Sipas dosjes pallati në zonën e Kombinatit, ku ndodhej apartamenti i kallëzuesit, ishte shembur pa miratim nga Këshilli Bashkiak. Megjithatë, disa muaj më vonë, Bashkia Tiranë kontraktoi kompani private për shembjen e të njëjtit pallat dhe lëvroi fonde publike për punime që nuk ishin kryer, pasi objekti tashmë ishte rrëzuar.
Hetimi ka zbuluar se e njëjta skemë është ndjekur për gjashtë pallate në total, përmes një procedure ku dyshohet se janë konsumuar veprat penale të “falsifikimit të dokumenteve” dhe “shpërdorimit të detyrës”.
Nga dëshmitë dhe dokumentet e siguruara nga prokuroria, ka rezultuar se 6 objektet, përfshi edhe pallatin e kallëzuesit, ishin shembur në janar 2021 nga strukturat e bashkisë, me ndihmën e zjarrfikësve dhe Policisë së Shtetit. Ndërkohë, vetëm në mars 2021, Këshilli Bashkiak miratoi fondet për shembjen dhe pastrimin e mbetjeve, raporton A2CNN.
Veprimet fiktive dhe dokumentet me të dhëna të rreme u zbuluan nga raportet e lëvizjes së mjeteve të IMT-së dhe zjarrfikësve, si dhe dëshmitë e punonjësve të policisë, të cilët konfirmuan se pallatet ishin shembur muaj më parë.
Personat ndaj të cilëve janë dhënë masa sigurie:
Aurel Çuko, Drejtor i Përgjithshëm i Emergjencave Civile – arrest në shtëpi
A.B, Drejtor i Drejtorisë së Emergjencave Civile – arrest në shtëpi
Eleana Guçe, përgjegjëse sektori në Drejtorinë e Emergjencave Civile – detyrim paraqitje
Sokol Qehajaj, specialist i IMT pranë Bashkisë Tiranë – arrest në shtëpi
Rexhina Rakipi, specialiste e IMT – detyrim paraqitje
Aleksandra Muhametllari, përfaqësuese e “Maging shpk & Imes-D shpk” – detyrim paraqitje
Shyqyri Maloku dhe Fatmir Firi., përfaqësues të kompanive “Arb & Trans-2010” dhe “Klajger Konstruksion” – detyrim paraqitje.
