Në fjalën e saj në Kuvend Ina Zhupa ka mbajtur një qëndrim të ashpër ndaj qeverisë Rama.
Zhupa theksoi se ësht&e...
AKTUALITET
Tentoi të kontrabandonte 50 pako medikamente në hyrje të Shqipërisë, arrestohet 36-vjeçari në Kapshticë
S.BPërditësimi i fundit 26 Gusht 2024, 13:10
pamje nga ngjarja
KAPSHTICË- Një 36-vjeçar i cili tentoi të fuste në vendin tonë medikamente të pashoqëruara me faturë blerjeje është arrestuar në Kapshticë. Mësohet se E.S 36 vjeç i cili ishte pasagjer në një autobus, i janë gjetur 50 pako me medikamente të cilat u sekuestruan në cilësinë e provës materiale.
Ndaj 36-vjeçarit rëndon akuza për veprën penale “Kontrabanda me mallra të licencuara”.
Njoftimi i Policisë:
Kapshticë/Goditet një rast i kontrabandës së medikamenteve.
Arrestohet në flagrancë 36-vjeçari që tentoi të kontrabandonte në Shqipëri, medikamente për të cilat kërkohet licencë.
Sekuestrohen 50 pako me medikamente.
Në vijim të punës së intesifikuar të shërbimeve të Policisë Kufitare, gjatë sezonit veror, me qëllim parandalimin dhe goditjen e krimeve në kufi, në PKK Kapështicë, në hyrje të RSh-së, u kalua në vijë të dytë, për kontroll të detajuar, një autobus. Gjatë kontrollit në pjesën frigoriferike të autobusit u gjetën 5 paketime me medikamente (në total 50 pako), të pashoqëruara me faturë blerjeje.
Në përfundim të veprimeve procedurale për këtë rast, specialistët për Hetimin e Krimeve të DVKM Korçë arrestuan në flagrancë shtetasin E. S., 36 vjeç, banues në Pogradec, pasagjer në këtë autobus, i cili dyshohet se posedonte sasinë e medikamenteve për të cilat kërkohet licencë nga organet kompetente.
50 pakot medikamente u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Kontrabanda me mallra të licencuara”.
