Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
Thyente xhamat dhe grabiste para e sende personale, arrestohet hajduti i makinave në Tiranë (EMRI)
b.zPërditësimi i fundit 17 Shkurt 2025, 13:58
Pamje nga kamerat e sigurisë
TIRANË - Një 29-vjeçar është arrestuar nga Policia në Tiranë pasi akuzohet për grabitje. Në pranga ka rënë Endri Novi, banues në Tepelenë, i cili sipas policisë dyshohet se ka thyer xhamat e 12 automjeteve dhe ka grabitur nga ato para dhe sende personale me vlerë.
Policia sqaron se Novi mbrëmjen e djeshme, ka vjedhur sende personale në 6 automjet që iu ka thyer xhamat, në një vendparkim, në Astir, gjithashtu edhe në lagje të ndryshme të Tiranës, ka vjedhur sende në 6 automjete, pasi ka thyer xhamat e tyre, me sende të forta.
Njoftimi i Policisë:
Finalizohet nga Komisariati i Policisë Nr. 6, operacioni policor i koduar “The End”.
Vidhte para dhe sende personale nga automjetet, pasi iu thyente xhamat, kapet dhe vihet në pranga 29-vjeçari.
Gjatë 48 orëve të fundit, ky shtetas dyshohet se ka vjedhur në 12 automjete që iu ka thyer xhamat.
Shërbimet e Komisariatit të Policisë Nr. 6, pas denoncimeve nga disa drejtues automjetesh, për vjedhjen e sendeve personale nga automjetet e tyre, pas thyerjes së xhamave, bazuar dhe në inteligjencën informative, organizuan dhe finalizuan operacionin policor të koduar “The End”.
Në kuadër të operacionit, u kap dhe u arrestua shtetasi Endri Novi, 29 vjeç, banues në Tepelenë.
Nga veprimet hetimore dyshohet se ky shtetas, mbrëmjen e djeshme, ka vjedhur sende personale në 6 automjet që iu ka thyer xhamat, në një vendparkim, në Astir. Gjithashtu, gjatë 48 orëve të fundit, në lagje të ndryshme të Tiranës, ka vjedhur sende të ndryshme në 6 automjete, pasi ka thyer xhamat e tyre, me sende të forta.
Vijojnë hetimet për zbardhjen e vjedhjeve të tjera që mund të ketë kryer ky shtetas.
