Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
AKTUALITET
Trafikuan 485 kg koka*inë, arrestohet në Kolumbi kimisti i grupit të ish-kryekomunarit socialist. Roli që kishte ai në organizatë
PiranjatPërditësimi i fundit 4 Shtator 2025, 18:19
Ka përfunduar në prangat e policisë kolumbiane Samir Rosales Rodríguez, i njohur si "El Kimiki", ndërsa ishte shpallur në kërkim nga autoritetet shqiptare për përfshirjen në trafikun ndërkombëtar të kokainës.
Policia Kombëtare Kolumbiane koordinoi veprimet me zyrat kombëtare të Interpolit në Kolumbi, Ekuador dhe Shqipëri pas një njoftimi të kuq të Interpolit.
Sipas drejtorit të Policisë Kombëtare në llogarinë e tij X, Rosales, shtetas kolumbian, ishte i specializuar në drejtimin e punës teknike për nxjerrjen e kokainës në Evropë, duke përdorur metoda të dizajnuara për të fshehur substancën midis produkteve të ndryshme. Hetimet e tregojnë atë si personin kryesisht përgjegjës për drejtimin e "procesit teknik për nxjerrjen e kokainës së fshehur midis substancave të ndryshme", një praktikë që lehtësoi hyrjen e drogës në Evropë.
Autoritetet shqiptare e kërkojnë atë me akuzën e trafikimit të drogës dhe pjesëmarrjes në një organizatë kriminale pasi shërbente si ndërlidhës midis organizatave mafioze shqiptare të pranishme në Amerikën e Jugut dhe strukturave lokale të trafikimit të drogës.
Sipas raportit të policisë, Rosales mbikëqyri drejtpërdrejt logjistikën e dërgesave të shumta të kokainës të transportuara nga Paqësori Kolumbian dhe të fshehura kryesisht në plehra organikë për t’u përpunuar më pas në Frakull të Fierit. "El Kimiko" operonte nëpërmjet kompanive fasadë që lejonin dërgimin e ngarkesave nga porti i Buenaventurës në Kolumbinë jugperëndimore në vende si Greqia dhe Mali i Zi. Shkalla e aktivitetit të tyre kriminal reflektohet në koordinimin e operacioneve komplekse transnacionale që përfshijnë qeliza të ndryshme të krimit të organizuar të shpërndara në disa kontinente.
DËNIMET PËR ANËTARËT E GRUPIT
Më 15 qershor të vitit të shkuar, GJKKO tha vendimin ndaj ish-kryetarit socialist të ish-komunës Frakull në Fier, Viktor Çervanaku dhe 10 personave të tjerë, të akuzuar për trafikimin nga Kolumbia të 485.5 kg kokainë. Trupi gjykues vendosi të deklarojë fajtorë të 11 të pandehurit dhe i dënoi përfundimisht me 88 vjet e 4 muaj burgim në total.
Nga hetimet rezultoi se lënda narkotike është transportuar dhe është fshehur gjatë transportit nëpërmjet një ngarkese me pleh organik artificial, e paketuar dhe ngarkuar në një kontenier, që është transportuar nga Kolumbia në Portin e Pireut, në Greqi dhe më pas në drejtim të Portit të Barit, në Malin e Zi. Nëpërmjet transportit në rrugë tokësore ngarkesa është futur në Shqipëri më 19 shtator 2022 dhe më pas është transportuar në fshatin Frakull në Fier, ku përpunohej në një laborator dhe bëhej ndarja. /Piranjat/
