Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
U dërgua për trajtim më të specializuar në Athinë, Hierarkë të Sinodit të Shenjtë të Kishës së Greqisë vizitojnë Kryepeshkopin Anastas Janullatos
n.fPërditësimi i fundit 8 Janar 2025, 19:24
Foto ilustruese
ATHINË- Hierarkë të Sinodit të Shenjtë të Kishës së Greqisë kanë vizituar ditën e sotme kryepeshkopin, Anastas Janullatos në spitalin ku është shtruar në Athinë. Pas problemeve shëndetësore, ata i kanë uruar kryepeshkopit Anastas shërim sa më të shpejtë.
“Në emër të Sinodit të Kishës Orthodhokse të Greqisë, Hirësitë e tyre Mitropolitët e Nafpaktës dhe Shën Vlashit z. Jerothe dhe të Dhimitriadhës dhe Almirës z. Ignat vizituan sot Fortlumturinë e Tij, Kryepiskopin Anastas, të cilit i përcollën dashurinë e Fortlumturisë së Tij, Kryepiskopit të Athinës, z. Jeronim dhe lutjet e uratat e Etërve të Sinodit të Shenjtë të Greqisë për rikthimin e shëndetit të tij.
Fortlumturia e Tij, Kryepiskopi Anastas falenderoi përzemërsisht anëtarët e Sinodit të Shenjtë, duke përmendur më tej se u është sinqerisht mirënjohës të gjithë atyre që luten për shërimin e tij të shpejtë”, thuhet në postim.
Prej ditësh kryepiskopi Anastas Janullatos ndodhet në Athinë për mjekim më të specializuar pas problemeve shëndetësore. Kryepeshkopi Anastas u transportua nga Tirana në Athinë më 3 janar, me një avion të Forcave ushtarake greke. Fillimisht, ai ishte shtruar në një spital në Tiranë më 30 dhjetor për shkak të një gripi sezonal, por përkeqësimi i gjendjes së tij e bëri të nevojshme transferimin e tij në një spital në Athinë.
