Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
U kap duke transportuar kallashnikov dhe granata, arrestohet 15 vjeçari në Mirditë
PiranjatPërditësimi i fundit 3 Mars 2025, 09:26
Foto ilustruese
MIRDITË - Një 15-vjeçar është arrestuar nga Policia në Mirditë pasi është kapur duke transportuar lëndë shpërthyese. Policia bën me dije se i mituri është arrestuar në afërsi të fshatit Fang, teksa transportonte 3 granata, 1 armë zjarri kallashnikov dhe municion luftarak.
15-vjeçari është shoqëruar për veprime të mëtejshme proceduriale, ndërkohë lëndët shpërthyese janë sekuestruar nga Policia në cilësinë e provës materiale.
Njoftimi i Policisë:
Sekuestrohen 3 granata, 1 kallashnikov dhe municion luftarak. Vihet në pranga 15-vjeçari që u kap në flagrancë teksa transportonte armët dhe municionin.
Si rezultat i administrimit të menjëhershëm të informacioneve të siguruara nga inteligjenca policore, se një shtetas po transportonte armë zjarri dhe armë shpërthyese, shërbimet e Komisariatit të Policisë Mirditë, në bashkëpunim me shërbimet operacionale të Drejtorisë Vendore të Policisë Lezhë, finalizuan operacionin e koduar “Sinjali”.
Gjatë operacionit u arrestua në flagrancë, në afërsi të fshatit Fang, teksa transportonte 3 granata, 1 armë zjarri kallashnikov dhe municion luftarak, shtetasi E. S., 15 vjeç, banues në Burrel.
Në drejtimin e Prokurorisë së Lezhës, të cilës iu referuan materialet procedurale për rastin, po kryhen hetime për të provuar qëllimin e transportimit të këtyre sendeve, nga 15-vjeçari, si dhe për të identifikuar dhe nxjerrë përpara përgjegjësisë penale, shtetasit e tjerë që mund të jenë implikuar në këtë rast.
