Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
AKTUALITET
U kapën të dehur në timon, arrestohen katër shoferë në Fier
S.BPërditësimi i fundit 29 Korrik 2024, 15:46
foto ilustruese
FIER- Arrestohen katër persona dhe procedohen katër të tjerë në Fier. Mësohet se katër shoferë janë arrestuar pasi u kapën në gjendje të dehur në timon.
Ndërkohë janë proceduar katër persona kryesisht për humbje kontrolli të automjetit, drejtimi i motomjetit në gjendje të dehur dhe humbja e kontrollit të tij, si dhe posedimi i lëndëve narkotike si kokainë dhe kanabis.
Bëhet me dije se janë shpallur në kërkim dy persona E. S.(Z)., 40 vjeç, banues në Fier dhe A. C., 41 vjeç, pasi në bashkëpunim kanë vjedhur një automjet.
Njoftimi i Policisë:
Drejtoria Vendore e Policisë Fier
Policia Rrugore arrestoi shtetasit:
-J. Ç., 48 vjeçe, banuese në Fier, Xh. Gj., 33 vjeç, banues në Divjakë, E. M., 37 vjeç, banues në fshatin Fier Shegan dhe M. S., 24 vjeç, banues në fshatin Daullas, pasi u konstatuan nga shërbimet e Policisë, duke drejtuar automjetin, në gjendje të dehur.
Gjithashtu, referoi materialet në Prokurori ku nisi procedimi penal për shtetasit:
- A. T., banues në Fier, pasi duke drejtuar automjetin, ka humbur kontrollin dhe automjeti ka dalë nga rruga. Si pasojë është dëmtuar lehtë një pasagjere;
- P. M., 61 vjeç, banues në fshatin Seman, pasi duke drejtuar motomjetin, në gjendje të dehur, ka humbur kontrollin dhe motomjeti ka dalë nga rruga. Si pasojë është dëmtuar ky shtetas, i cili ndodhet në kujdesin e mjekëve.
Sektori për Hetimin e Narkotikëve i DVP Fier referoi materialet në Prokurori ku nisi procedimi penal për shtetasit:
-J. B., 27 vjeç, banues në fshatin Libofshë, pasi gjatë kontrollit fizik, shërbimet e Policisë i gjetën dhe sekuestruan një sasi të vogël lënde të dyshuar narkotike cannabis sativa;
-R. M., 48 vjeç, banues në Fier, pasi gjatë kontrollit në automjetin që ky shtetas drejtonte, shërbimet e Policisë gjetën dhe sekuestruan një sasi të vogël lënde të dyshuar narkotike kokainë.
Sektori për Hetimin e Trafiqeve i DVP Fier shpalli në kërkim shtetasit E. S.(Z)., 40 vjeç, banues në Fier dhe A. C., 41 vjeç, pasi dyshohet se në bashkëpunim me njëri-tjetrin, kanë vjedhur një automjet.
