Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
AKTUALITET
U konstatua me armë zjarri, bie në prangat e policisë Lezhë 38-vjeçari
PiranjatPërditësimi i fundit 5 Tetor 2025, 13:40
Policia e Lezhës ka finalizuar operacionin policor të koduar "Befasia", ku u sekuestruan 2 armë zjarri, një armë gjahu dhe municion luftarak, ndërsa është arrestuar një person përkatësisht për veprën penale të armëmbajtjes dhe prodhimit të armëve pa leje.
Operacioni u realizua nga Komisariati i Policisë Lezhë, në bashkëpunim me Forcat e Posaçme “Shqiponja”, pas një informacioni të siguruar se një shtetas mbante armë zjarri pa leje. Pas administrimit të menjëhershëm të këtij informacioni, forcat e policisë kanë arrestuar në flagrancë një 38-vjeçar nga fshati Pllanë, Lezhë.
Njoftimi i policisë:
Lezhë / Finalizohet operacioni policor i koduar “Befasia”, për goditjen e veprimtarisë kriminale të armëmbajtjes pa leje.
Sekuestrohen 2 armë zjarri, 1 armë gjahu dhe municion luftarak.
Vihet në pranga poseduesi i tyre.
Në vijim të punës intensive për parandalimin dhe goditjen e armëmbajtjes pa leje, Komisariati i Policisë Lezhë, në bashkëpunim me Forcat e Posaçme “Shqiponja”, ka siguruar informacion se një shtetas mbante armë zjarri pa leje.
Si rezultat i administrimit të menjëhershëm të këtij informacioni, është finalizuar operacioni policor i koduar “Befasia”, gjatë të cilit u arrestua në flagrancë shtetasi:
B. N., 38 vjeç, banues në fshatin Pllanë, Lezhë, për veprën penale “Mbajtja pa leje dhe prodhimi i armëve, armëve shpërthyese dhe i municionit”.
Gjatë kontrollit, shërbimet e Policisë gjetën 1 armë zjarri pistoletë, 1 pushkë, 1 armë gjahu dhe sasi municioni luftarak, të cilat u sekuestruan në cilësinë e provës materiale.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.
