Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
AKTUALITET
“U kundërpërgjigja që të shmangia tragjedinë”/ Atentati në Lezhë, ndalohet efektivi
PiranjatPërditësimi i fundit 2 Shkurt 2026, 19:24
Me urdhër të prokurorisë është ndalur efektivi i Patrullës së Përgjithshme Besart Kovaçi, në lidhje me atentatin e ndodhur mbrëmjen e djeshme në Rrilë të Lezhës, ku mbeti i plagosur Sokol Daci.
Polici akuzohet për veprën penale të shpërdorimit të detyrës. Ai ka qenë prezent brenda në berberhanen ku ndodhej 21-vjeçari Merando Nikulaj, shenjestra e atentatit. Gjatë sulmit me armë, efektivi është kundërpërgjigjur autorëve me armë zjarri.
Lidhur me ngjarjen policia po ushtron kontrolle të shumta në Lezhë.
Nga të dhënat hetimore, dyshohet se sulmi është kryer nga tre persona, një në rolin e drejtuesit të mjetit dhe dy të tjerë si qitës. Autorët kanë qenë të maskuar dhe, sipas hetuesve, nuk duket se kanë pasur përvojë profesionale në përdorimin e armëve të zjarrit, pasi breshëria e plumbave ka rrezikuar edhe jetën e kalimtarëve.
Pamjet nga kamerat e sigurisë nuk kanë mundur ende të identifikojnë fytyrat e autorëve, megjithatë policia dyshon se ka arritur të identifikojë njërin prej tyre.
Ndërkohë Sokol Daci, i cili mbeti i plagosur aksidentalisht i është nënshtruar një ndërhyrjeje kirurgjikale mbrëmjen e kaluar, pasi plumbi i marrë në bark i ka shkaktuar hemorragji të shumta. Aktualisht, ai raportohet në gjendje të stabilizuar dhe jashtë rrezikut për jetën.
Përveç plagës në bark, 21-vjeçari ka marrë edhe dy plumba të tjerë, një në shpatull dhe një në këmbë. Hetimet për zbardhjen e plotë të ngjarjes vijojnë.
