Një ngjarje e rëndë është regjistruar në afërsi të ishujve të Ksamilit, ku është gjetur i pajetë n...
AKTUALITET
U raportua se ai dhe bashkëshortja u kapën me shtëpi bari, reagon Elvis Pupa: Lajme të pavërteta, ndodhem në Tiranë jo si i arratisur, por për angazhime profesionale
M.B.Përditësimi i fundit 24 Maj 2025, 11:52
AUSTRALIA- Aktori i njohur Elvis Pupa ka reaguar pasi mediat e Australisë, raportuan se ai dhe bashkëshortja e tij, Belina Pupa, kishin lidhje me aktivitetin në një shtëpi bari. Me anë të një postimi në rrjetet sociale, Pupa shprehet se lajmet janë të pavëerteta dhe keqdashëse.
Ai shkruan se nuk është arratisur, siç informuan mediat australiane, por ndodhet në Tiranë prej më shumë se 1 muaji për shkak të angazhimeve profesionale. Aktori thotë se bashkëshortja e tij vazhdon aktivitetin e saj profesional dhe është plotësisht e lirë.
Gjithashtu ai shton se e gjithë situata që po trajtohet aktualisht është pjesë e një procesi ligjor që është ende në zhvillim, dhe siç është shprehur edhe ajo vetë, i takon drejtësisë të flasë e fundit.
Reagimi:
Të dashur miq, ridjekës dhe bashkëpunëtorë,
Jam i detyruar të reagoj pas disa lajmeve të pavërteta dhe keqdashëse që po qarkullojnë në media, sipas të cilave unë gjoja “jam arratisur” dhe “ndodhem në kërkim”. Dua ta bëj shumë të qartë: prej më shumë se një muaji ndodhem në Tiranë, ku po zhvilloj angazhime të rregullta profesionale, të planifikuara në Shqipëri dhe më gjerë në Europë.
Çdo përpjekje për ta paraqitur këtë situatë ndryshe është një manipulim i pastër i informacionit, një keqinterpretim i qëllimshëm që synon të bëjë lajm aty ku nuk ka asgjë të jashtëzakonshme.
Sa i përket bashkëshortes sime, Belina, ajo vazhdon aktivitetin e saj profesional dhe është plotësisht e lirë. E gjithë situata që po trajtohet aktualisht është pjesë e një procesi ligjor që është ende në zhvillim, dhe siç është shprehur edhe ajo vetë, i takon drejtësisë të flasë e fundit.
Fatkeqësisht, kemi parë një keqpërdorim të rëndë të lajmit, me qëllim sensacionalizmi dhe klikimesh, ku deformimi ka marrë vendin e të vërtetës. Jetët tona janë publike, por kjo nuk i jep askujt të drejtën të abuzojë me dinjitetin e njerëzve. Jeta vazhdon normalisht, me punën dhe përgjegjësitë tona të përditshme. Ne do të përballojmë çdo situatë me qetësi, transparencë dhe respekt për të vërtetën.
Faleminderit për mirëkuptimin dhe mbështetjen që shumë prej jush na kanë treguar.
