Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
Ekzekutimi i shqiptarit në Greqi me plumb në fytyrë/ Dyshohet se ndodheshin në automjet me autorin e viktimën, arrestohen edhe 2 persona të tjerë
M.B.Përditësimi i fundit 24 Maj 2025, 09:14
GREQIA- Policia greke ka vendosur në pranga edhe 2 persona të tjerë pas arrestimit të autorit 46-vjeçar, Mikel Selimaj, si autor i dyshuar i vrasjes së 41-vjeçarit shqiptar Altin Arapaj. Mësohet se dy të arrestuarit ndodheshin në të njëtin automjet me viktimën dhe autorin, kur ndodhi krimi.
Sipas informacioneve, autori i krimit u gjet nga autoritetet në një apartament me qira ditore në zonën Glyka Nera. Pronarja e apartamentit ku ishte strehuar 46-vjeçari ishte përpjekur ta kontaktonte duke trokitur në derë, por pa marrë asnjë përgjigje. Gruaja u shqetësua se burri mund të kishte humbur ndjenjat dhe u përpoq të hapte derën, por pa sukses. Ajo menjëherë njoftoi Policinë, duke deklaruar se ndoshta kishte një emergjencë.
Oficerët e policisë mbërritën në vendngjarje dhe i ranë ziles për rreth 20 minuta. Kur 46-vjeçari hapi derën, ishte qartësisht nën ndikimin e drogës. Oficerët e policisë e njohën menjëherë nga fotografia që kishin dhe e prangosën. Në të njëjtën kohë, autoritetet kanë gjetur automjetin që dyshohet se është përdorur nga autori i krimit, brenda të cilit u gjet një gëzhojë dhe gjurmë gjaku të thara.
Sipas informacioneve, autori e ka qëlluar viktimën brenda automjetit. Në të njëjtën kohë, u gjet një automjet i dytë, të cilin duket se ai e përdori gjithashtu për transportin e tij. Policia greke zbuloi emrin e autorit të vrasjes, 46-vjeçarin shqiptar Mikel Selimaj, pasi viktima kishte telefonuar bashkëshorten e tij para se të ndërronte jetë dhe i kishte treguar se kush e qëlloi me plumb në faqe.
