Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
U arrestua nga RENEA me armë zjarri nën jastëk, çfarë thoshte në përgjime Aldo Avdylaj
PiranjatPërditësimi i fundit 14 Tetor 2025, 11:59
Aldo (Elidon) Avdylaj, nipi i Astrit Avdylajt, u arrestua këtë të martë nga Forcat RENEA në një apartament në zonën e Kopshtit Zoologjik, pak ditë pasi u shpall në kërkim nga SPAK si organizator i atentatit ndaj Edmir Bregut.
Krimi sipas hetimeve të SPAK, ka ndodhur për motive hakmarrjeje dhe lidhet drejtpërdrejt me grupin kriminal të Avdylajve.
Sipas hetimeve, Avdylaj rezulton i përfshirë në përgjime ku dëgjohet të thotë: “Unë vras 10 vetë, nëse thua ti”, një frazë që hedh dritë mbi strukturën hierarkike dhe mënyrën e funksionimit të grupit.
Atentati ndaj Bregut ka qenë një veprim hakmarrës, pas një përplasjeje të fortë mes grupeve kriminale rivale. Edhe vetë Aldo Avdylaj ka shënjestër e atentatit për ta eliminuar dhe pas planit qëndronte Edmir Bregu.
Për vrasjen e Bregut, prokurorët e SPAK thonë se dha urdhër, Astrit Avdylaj, figurë e njohur e botës së krimit në Shijak me lidhje të shumta edhe politike pranë Partisë Socialiste.
Në zbardhjen e kësaj skeme kriminale, roli i Enea Kumes ka qenë kyç. Ai dyshohet se ka vepruar si informator i grupit, duke dhënë detaje mbi lëvizjet e Bregut dhe duke ndihmuar në përgatitjen e atentatit.
Për këtë arsye, Kume është arrestuar nën akuzën e pjesëmarrjes në një grup të strukturuar kriminal me qëllim eliminimin fizik të kundërshtarëve.
Ndërkohë, për ekzekutimin e Bregut, rolin e vrasësit e ka marrë përsipër Alfred Doka, i cili besohet të ketë vepruar kundrejt një pagese.
