Violand Bracellari, autori i ngjarjes së rëndë
Autori i vrasjes së një polici dhe plagosjes së një efektivi tjetër ...
AKTUALITET
Vdekja e 17-vjeçares nga meningjiti akut/ Vendosen lule në bankën e saj, drejtori i shkollës: Ndodhi papritur, u shokuam të gjithë
M.B.Përditësimi i fundit 16 Dhjetor 2024, 15:49
DURRËS- 17-vjeçarja Noela Caka nxënëse e gjimnazit “Leonik Tomeo” në Durrës, ka ndërruar jetë paraditen e 15 dhjetorit në spitalin infektiv të Tiranës për shkak të meningjitit akut. Ajo fillimisht e shtruar në spitalin rajonal të Durrësit, por më pas transferuar në Tiranë për shkak të gjendjes së rënduar, pasi mjekët e Durrësit menduan se kishte nevojë për ndërhyrje më të specializuar.
Shokët dhe shoqet e klasës dhe shkollës në të cilën Noela ndiqte studimet mësohet morën pjesë dje në ceremoninë mortore ndërsa në bankën e saj janë vendosur dhe lule. Tomor Agalliu, drejtori i gjimanzit ku studionte e ndjera, tha për mediat se kjo ishte e papritur për ta dhe se janë të shokuar. Ai shtoi se s'ka patur shqetësim më parë dhe menjëherë e kanë çuar në urgjencë në spitalin e Durrësit.
“Me dhimbje të thellë po konfirmoj një lajm shumë të hidhur që i ndodhi këto ditë një ish-nxënëseje, maturante, klasa e 12. Ishte një nxënëse që spikaste, evidentohej, ishte aktive në veprimtari dhe mungesa e saj ndihet shumë. Ndodhi papritur, u shokuam të gjithë. Në orët e para të ditës së shtunë, ora 3 e mëngjesit sipas bisedave që kam patur me familjarët, një temperaturë e lartë papritur.
S’ka patur shqetësim më parë dhe menjëherë e kanë çuar në urgjencë në spitalin e Durrësit. Kanë parë situatën e rënduar dhe e kanë nisur për Tiranë dhe ka qenë fatale për vajzën. Humbje e madhe për familjen dhe ne, që ende vazhdojmë të lotojmë për nxënësen tonë. Dje e përcollëm siç e meritonte, me shumë nxënës e mësues, e mbuluam me lule duke shpresuar se shpirti i saj do jetë në parajsë. Sot ka qenë ditë e parë me mungesën e saj, një ditë e dhimbshme”, tha drejtori i gjimnazit.
Zyra Vendore e Arsimit në Durrës ka ndjekur masat që po merren edhe në gjimnazin “Leonik Tomeo,” ku mësonte 17-vjeçarja. Ambientet e shkollës janë dezinfektuar, ndërsa autoritetet shëndetësore po gjurmojnë personat që kanë pasur kontakte me të.
