Teksa vendi ynë prej 53 ditësh po përballet me protesta masive, ku kërkohet dorëheqja e kryeministrit Edi Rama, mesazhi i arkitekti i...
AKTUALITET
Vdekja e turistes angleze, kalon për gjykim dosja ndaj Saimir Kushovës/ Në Norvegji i dënuar me 15 vite burg
PiranjatPërditësimi i fundit 14 Shtator 2025, 16:49
Hetimet e prokurorisë u konsideruan të plota nga Gjykata e Sarandës, e cila vendosi të kalojë për gjykim dosjen penale ndaj Saimir Kushovës, për akuzën e “shkelja e rregullave të mbrojtjes në punë” në dëm të shtetases britanike Rebbeca Gannon.
Dërgimi i çështjes për gjykim u vendos datë 11 shtator, ndërsa më herët dosja ishte kthyer për plotësim të hetimeve, pasi ishin konstatuar mangësi.
Saimir Kushova, një zhytës profesionist drejtonte ekspeditën “Saranda Diving Center” kur me 19 shtator 2022 në Gjirin e Sarandës, ndërroi jetë teksa zhytej 29-vjeçarja Rebecca Gannon.
Kushova akuzohet se në cilësinë e operatorit turistik, nuk ka përmbushur detyrimet e përcaktuara në vendimin. 845, datë 28.10.2020 që lidhej me aktivitetet turistike detare.
Ai nuk ka respektuar detyrimet e procesit të mbikqyrjes së aktivitetit të zhytjes nga paisjet, të cilat duhet të verifikoheshin nga në person kompetent, mungesa e pranisë fizike të stafit të qendrës së zhytjes, e cila do të vëzhgonte sjelljen personale të çdo zhytësi dhe parandalimi ose korrigjimi i problemeve kur ato ndodhin. Si pasojë e mospërmbushjes së këtyre detyrimeve, thotë prokuroria, ka gjetur vdekjen shtetësja angleze Rebecca Gannon…”.
Në momentin që u zhyt në det, turistja shfaqi shqetësime dhe sipas aktit të ekspertimit mjeko-ligjor: “Shkaku i vdekjes së shtetases Rebecca Gannon ka qënë asfiksisa mekanike, si pasojë e zënies së rrugëve të frymëmarjes nga uji”.
Në dosje është përfshirë dhe korespodenca e me autoritetet norvegjeze, të cilat konfirmojnë se Saimir Kushova është duke kryer një dënim me 15 vite burg atje për trafik narkotikësh.
Në këto rrethana, ai do të gjykohet në mungesë në gjykatën e Sarandës, ndërkohë në proces do të jenë të pranishëm prindërit e Rebeca Gannon, të cilët janë zhvendosur nga Britania e Madhe drejt Shqipërisë me shpresën për të gjetur drejtësi për jetën e vajzës së tyre.
