Kavaja, Himara, Vlora, Kamza, Durrësi, Vora janë bashkitë më të varura nga të ardhurat që gjeneron ndërtimi, pasi t&eu...
AKTUALITET
VIDEO/ 7 muaj pa paga, punonjësit e “Bankers” dalin në protestë: Na kanë gënjyer për rrogat! Shteti ‘fle’ gjumë
Nga Xhuljan FerzajPërditësimi i fundit 10 Shkurt 2026, 12:07
Punonjësit e kompanisë “Bankers”, dolën sot në protestë për shkak se prej shtatë muajsh nuk marrin pagat. Prej disa muajsh kompania e Naftës u premton se do ti paguajë punonjësit por në fakt rezultoi një gënjeshtër. Ata shprehen se do të vijojnë protestat deri sa pagat e tyre të shlyhen të gjitha.
“Jemi kompania e sigurisë së “Bankers”, ruajmë pronat e saja, kemi shtatë muaj pa marr rrogat, për operatorët, mekanikët ka lekë për ne të tjerët nuk ka. Kemi marr vesh se paratë tona i çojnë në Kinë.
Jemi 120 punonjës, më parë ishim 320, sepse në janar u bënë shkurtimet, kemi ngelur kaq sa thash. Ata përfitojnë asistencën për largimin nga puna ndërsa ne që po punojmë duam të paguhemi. “Bankers” na ka mashtruar duke thënë se do të na japin lekët por Akoma nuk i kemi marrë.
Premtuan se do ti paguanin të gjitha në datën 10 shkurt por sot nuk janë hedhur në llogaritë tona, kështu dolëm në protestë. Do të vazhdojmë protestën çdo ditë derisa të na paguajnë lekët, punën do ta vazhdojmë, turni që është pushim do të dalë në protestë. Kërkojmë ndihmë nga shteti, por mesa dukët shteti është i pafuqishëm” thanë punonjësit e Bankers.
Punonjësit deklaruan se protestat do të zhvillohen çdo ditë deri sa zëri i tyre për pagat të dëgjohet, ndërkohë u shprehën se shteti nuk po i ndihmon në zgjidhjen e problemit./ Piranjat News
