Vijojnë ende vatrat e zjarrit në zonën e Vajkalit dhe Qafë-Helmës, në Fushë-Bulqizë. Flakët kanë përfsh...
AKTUALITET
VIDEO/ Pamje skandaloze nga Berati, banori: Mbeturinat e grumbulluara dhe të groposura në tokë po na sëmurin
Nga Xhuljan FerzajPërditësimi i fundit 29 Gusht 2026, 11:14
Një banor i qytetit të Beratit i është drejtuar redaksisë së Piranjat News për problemin e mbeturinave që prej kohësh po përballon lagjia “30 Vjetori”, konkretisht te Rruga e Romëve.
Sipas tij, mungesa e pastrimit të rregullt dhe e koshave të mbeturinave po shkakton grumbullimin dhe groposjen e tyre në tokë, duke krijuar një situatë të rëndë për banorët dhe mjedisin.
Denoncuesi kërkon që çështja të bëhet publike dhe që Bashkia e Beratit të ndërhyjë sa më shpejt.
Mesazhi i plotë i denoncuesit:
"Përshëndetje, doja të bëja një kërkesë për emisionin lidhur me një problem që kemi prej kohësh në Berat, te Rruga e Romëve, lagjja “30 Vjetori”.
Në këtë zonë ka shumë mbeturina të grumbulluara dhe, për shkak se nuk pastrohen rregullisht dhe nuk ka as kosha, mbeturinat po hidhen dhe po groposen në tokë. Kjo po krijon një situatë shumë të keqe për banorët dhe për mjedisin.
Kemi kërkuar pastrimin e zonës, por Bashkia nuk ka ardhur për të bërë pastrimin. Ju lutem, a mund të na ndihmoni që ky problem të bëhet publik dhe të kërkohet ndërhyrja e Bashkisë?
Do të donim shumë që dikush të vinte në zonë dhe ta shikonte nga afër situatën. Faleminderit! Anonim ju lutem!"/Piranjat News
