Një shpërthim me lëndë të dyshuar plasëse është regjistruar në orët e para të mëngjesit të so...
AKTUALITET
VIDEO/ Momenti kur arrestohet ish-drejtoresha e Spitalit Dibër, Irini Shehu tenton të shmangë prangat duke përdorur gjendjen shëndetësore
I.APërditësimi i fundit 24 Prill 2025, 11:00
DIBËR- Pamjet e arrestimit të ish-drejtoreshës së Spitalit Rajonal Dibër, Irini Shehu kanë dalë. Arrestimi i saj është bërë ditën e djeshme pasi dyshohet se ka përndjekur një ish-vartës në kohën që drejtonte spitalin e Dibrës.
Ulërimat e saj dëgjoheshin deri në korridoret e spitalit, një shenjë e tensioneve të mëdha që ajo po përjetonte në atë moment. Në pamje është dukur një përpjekje e vazhdueshme nga ana e Shehut për të shmangur arrestimin, duke pretenduar se gjendja e saj shëndetësore ishte e rënduar.
Shehu ishte vënë nën hetim edhe më parë për përndjekje të punonjësve, dhe ishte shkarkuar nga detyra pasi goditi me një mjet të fortë shefin e financës, Shaban Uklala. Ky i fundit pati bërë edhe denoncimin në polici ndaj Shehut.
Pas kësaj, punonjës të tjerë të spitalit e kanë denoncuar Shehun për fyerje dhe kërcënime teksa raportohet se rasti i fundit ka qenë kur policia njoftoi se ka bërë një tjetër procedim ndaj Shehut pasi dyshohet se ka kërcënuar me sms dhe thirrje telefonike shtetasen Sh.B 48 vjeçe.
Në atë kohë, Shehu është paraqitur në ambientet e spitalit dhe pse e kishte të ndaluar, ndërsa dhe nuk kanë munguar sërish përplasjet me punonjës të spitalit. Nisur nga këto ngjarje, prokuroria ka urdhëruar arrestimin e Irini Shehut, por kjo e fundit mundohet ta shmangë me gjendjen e saj shëndetësore teksa qëndron në një nga dhomat e spitalit nën monitorimin e policisë së shtetit.
