Kryeministri Edi Rama ka vijuar sulmet ndaj protestuesve që prej javësh janë mbledhur në Tiranë kundër qeverisë së tij...
AKTUALITET
VIDEO/ Tentoi të vriste me armë një person në mes të Tiranës, momenti kur arrestohet 36-vjeçari
PiranjatPërditësimi i fundit 18 Dhjetor 2025, 11:50
Policia ka arrestuar një 36-vjeçar, i cili rreth tre javë më parë tentoi të vriste me armë zjarri shtetasin Marilen Jata në zonën e Institutit në Tiranë.
Autori i dyshuar, Fatmir Frroku u lokalizua dhe vendos në pranga në bulevardin “Nënë Tereza”.
Blutë gjithashtu arrestuan dy përkrahësit e dyshuar të tij, të rinjtë Izet Leka dhe Marsildo Ndoja.
32-vjeçari Izet Leka akuzohet se ndihmoi të largohej nga vendngjarja, kur kreu krimin, ndërsa 30-vjeçari shoqërohej me të, në momentin e ndalimit.
Njoftimi i policisë:
Tiranë/Finalizohet operacioni policor i koduar “Akuza”.
Tentoi të vriste me armë zjarri, një shtetas, rreth tri javë më parë, në Institut, lokalizohet dhe vihet në pranga në bulevardin "Nënë Tereza", 36-vjeçari.
Në pranga dhe 2 përkrahës të 36-vjeçarit.
Njëri e ndihmoi të largohej nga vendngjarja, kur kreu krimin, ndërsa tjetri shoqërohej me të, në momentin e ndalimit.
Si rezultat i punës informative dhe ndjekjes së kryer nga specialistët e Sektorit për Hetimin e Krimeve ndaj Personit, në bashkëpunim me shërbimet e Komisariatit të Policisë Nr. 3, me objektiv kapjen e autorit të plagosjes me armë zjarri, të shtetasit M. J., në rrugën “Ramadan Citaku”, më datë 23.11.2025, u finalizua operacioni “Akuza”.
Në kuadër të operacionit, u lokalizuan dhe u ndaluan shtetasit:
-F. F., 36 vjeç, pasi Gjykata i ka caktuar masën e sigurisë “Arrest në burg”, për veprat penale “Vrasja me paramendim”, mbetur në tentativë, dhe “Mbajtja pa leje dhe prodhimi i armëve, armëve shpërthyese dhe municionit”;
-I. L., 32 vjeç, pasi Gjykata i ka caktuar masën e sigurisë “Arrest në burg”, për veprën penale “Përkrahja e autorit të krimit”;
Gjithashtu, u arrestua në flagrancë shtetasi M. N., 30 vjeç, për veprën penale “Përkrahja e autorit të krimit”.
Nga hetimet ka rezultuar se shtetasi F. F. ka plagosur me armë zjarri, për motive të dobëta, shtetasin M. J., dhe pas krimit është ndihmuar nga shtetasi I. L., për t’u larguar nga vendi i ngjarjes.
36-vjeçari u kap pas ndjekjes së automjetit me të cilin ai lëvizte bashkë me shtetasin M. N., nga Instituti deri në bulevardin “Nënë Tereza”.
Materialet procedurale iu referuan Prokurorisë së Tiranës, për veprime të mëtejshme.
