“Marr 60 mijë-70 mijë euro në muaj. A e kupton? Normal që bëj ‘au-iu’ unë. Se nuk janë duke punuar arat. ...
AKTUALITET
VIDEO/ Vrasja në Ksamil, ja kush është 31-vjeçarja turke që ndihmoi Sokrat Vatën të arratisej
PiranjatPërditësimi i fundit 18 Gusht 2026, 15:14
LEVAN- Kjo është 31 vjeçarja turke e cila së bashku me një tjetër shtetas turk ndihmuan autorin e vrasjes së portugezit Miguel Mendes, Sokrat Vatën, të largohej nga Ksamili. Ka qenë vetë Taulant Balla i cili publikoi një tjetër video të momentit të aksionit të policisë, duke nxjerrë zbuluar dhe fytyrën e gruas turke e cila ka qenë drejtuese e mjetit.
Makina ku ata po udhëtonin u ndalua në Levan të Fierit nga grupet e kontrollit që ishin ngritur në pikat kyçe të akseve kryesore të vendit menjëherë pas vrasjes së ndodhur rreth orës 05:15 para 'Principotes' në zonën bregdetare të Ksamilit.
Arrestimi i Sokrat Vatës u bë 5 orë pas krimit të rëndë. Po ashtu Policia po heton rolin e çiftit turk që drejtonte mjetin ku ishte fshehur autori vrasjes, pasi ka dyshimet se Sokrat Vata punonte edhe si truprojë e shtetasit turk. Deri tani mësohet se 38 persona janë shoqëruar nga Policia e Sarandës për tu marrë në pyetje.
Moisid Matushaj, 24 vjeç, banues në Gjirokastër, me detyrë Ndihmës Specialist i Hetimit të Krimit në Drejtorinë Vendore të Kufirit Gjirokastër, është ndaluar nën dyshimet se ka ndihmuar 29-vjeçarin Sokrat Vata, autorin e vrasjes së 20-vjecarit portugez sot në Ksamil.
Hetimet e policisë kanë zbuluar se Matushaj punonte si truprojë e kompanisë “Elite Security” bashkë me Sokrat Vatën tek lokali “Principote” dhe dyshohet se e ka ndihmuar atë që të largohej nga vendi i ngjarjes. Ndërkohë mësohet se është shpallur në kërkim edhe Bekim Bulica, pronari i 'në hije' i 'Principotes', i cili nga hetimet rezulton se ndodhej në vendin e ngjarjes dhe më pas është larguar drejt Tiranës për t’iu shmangur hetimit.
