Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
“Vinte dhe merrte qumësht te ne”/ Motra e 16-vjeçares që u abuzua për 4 vite nga shoku i babait zbulon letrat që i dërgonte 41-vjeçari: Është i martuar, ka fëmijë
E.DPërditësimi i fundit 11 Nëntor 2024, 15:36
TIRANË- Detaje të reja janë zbardhur në lidhje me ngjarjen që tronditi Korçën, ku një e mitur është abuzuar seksualisht nga shoku i babait për disa vite rresht. Edison Sheme 41 vjeç i cili abuzoi me të miturën vijon të jetë ende në arrati. Gjithashtu motra e të miturës duke folur për emisionin “Me Zemër të Hapur” në News 24 zbuloi letrat që autori i dërgonte motrës së saj aso kohe.
Motra e saj shprehet se Sheme i thoshte se pasi të mbushte 18-vjeç, do ta merrte të jetonte me të. Po ashtu ajo tregoi 41-vjeçari është i martuar dhe ka fëmijë. Më tej ajo tha se motra nuk i ka treguar asgjë sepse ai i thoshte mos i trego askujt.
“Po lexoja letrat dhe nuk dija çfarë të bëja më. Të them të drejtën ishin goxha por në ato që shkruante ishin që pasi të mbushte 18-vjeç ai do ta merrte dhe do të jetonin bashkë. Mendoja se thjeshtë u mbyll sepse shihja se nuk po takoheshin dhe flisnin. Një ditë më tha babi që nga fshati kishte marrë vesh diçka dhe unë ia shpjegova.
Ishte shoku i babit tim, kur vinte këtu dhe merrte qumështin, u arratis dhe e tregon shumë haptazi q e ka kryer këtë vepër dhe është larguar. Nëse nuk do ta kishte bërë do të kishte ndenjur dhe do të ishte përballur si burrë. Motra nuk më ka treguar asgjë sepse ai i thoshte mos i trego askujt.
Policia e dimë që do ta kapë dhe drejtësia do të vihet ën vend por motra ime ka shumë frikë dhe shikon gjithë kohës në të katërta anët. Familja ime nuk ka frikë dhe ne nuk shitemi për para. Personi në fjalë është i martuar dhe ka edhe fëmijë”, tha ajo.
