Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Flakët në malin me mbetje në fshatin Halil, Fushë-Krujë, janë shuar nga reshjet e shiut, por zjarri vijon të jetë akti...
AKTUALITET
Vlorë/ Qytetari denoncon: Bashkia “tallet” me taksat e qytetarëve, pemët zënë më shumë se gjysmën e trotuarit
PiranjatPërditësimi i fundit 11 Nëntor 2025, 13:01
Qytetarët e Vlorës janë sërish të indinjuar me mënyrën se si Bashkia po zhvillon punimet për shtrimin e rrugëve dhe trotuareve të qytetit. Në disa prej zonave, trotuaret janë kthyer në një rrjet gropash, betoni të pambaruar dhe pengesash të shumta, duke u bërë thuajse të pakalueshme për këmbësorët.
Sipas pamjeve të dërguara nga banorët, gjysma e sipërfaqes së trotuareve është zënë nga pemë të mbjella pa kriter dhe nga materiale ndërtimi të lëna rrugëve. Kjo situatë vështirëson lëvizjen e qytetarëve, veçanërisht të prindërve me karroca fëmijësh dhe personave me aftësi të kufizuara.
Ndërkohë që Bashkia e Vlorës reklamon “punime moderne” dhe “investime në infrastrukturë”, realiteti në terren është krejt ndryshe. Qytetarët detyrohen të ecin mes makinave për shkak të trotuareve të dëmtuara dhe të mbushura me gropa.
Banorët e konsiderojnë këtë situatë si një tallje me taksat e tyre, duke kërkuar ndërhyrje të menjëhershme për rregullimin e trotuareve dhe kthimin e hapësirave publike në funksion të qytetarëve.
Mesazhi i qytetarit:
Përshëndetje JOQ, ju lutem bëjeni publike, të shikojnë se si tallet Bashkia e Vlorës me taksat e vlonjatëve. Shtrojnë rrugë dhe bëjnë trotuare që mezi kalon në këmbë, se po të jesh me karrocë me fëmijë të vegjël i bie të kalosh te korsia e makinave.
