Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
Vrasja e shqiptares në Greqi/ Arrestimi i autorit u bë rastësisht, 50-vjeçari nuk lejon djalin të jetë i pranishëm në varrimin e nënës së tij në Shqipëri
r.llPërditësimi i fundit 17 Maj 2024, 17:36
enkelejda danaj, eduart danaj
GREQI- Enkelejda Danaj, 40 vjeç, u masakrua me thikë në mes të rrugës në Athinë nga ish-bashkërshorti i saj, dhe u gjet e pajetë mëngjesin e të enjtes nga kalimtarët. Autori i ngjarjes, 50-vjeçari, Eduart Danaj është vënë tashmë në pranga, ndërsa detaje të reja vijojnë të zbardhen lidhur me vrasjen e rëndë.
Sipas mediave greke, menjëherë pas krimit të rëndë, i relaksuar dhe sikur asgjë nuk po ndodhte, 50-vjeçari ka shkuar në një hotel dhe ka ndezur televizorin për të mësuar se çfarë po thuhej në kanale për atë çfarë kishte bërë. Pak më vonë, ai ka marrë disa birra dhe ka hyrë me vrap në një pallat në ndërtim aty pranë, ku është pikasur nga Policia dhe është arrestuar menjëherë. Sipas raportimeve arrestimi i tij ka qenë gjithçka një rastësi, pasi policia nuk e ka ditur se cili ishte personi i dehur që kanë vënë në pranga, deri në momentin që ai ka thënë të dhënat personale në komisariat.
Gjithashtu mediat thonë se 50-vjeçari nuk pranon që djali i tij i mitur të marrë pjesë në varrimin e nënës së tij që do të bëhet në Shqipëri. Kjo për shkak se duhet një dokument nga ai që fëmija të udhëtojë dhe t'i thotë lamtumirën e fundit nënës. Më herët është bërë më dije se ai nuk kishte marrëdhënie të mirë as me vajzën dhe djelin e tij.
40-vjeçarja, Enkelejda Danaj u gjet e pajetë mëngjesin e djeshëm në kryqëzimin e rrugëve Parnithos dhe Aristotelous, një nga pikat më qendrore të Menidit në Greqi. Ajo ishte goditur me thikë në bark nga ish-bashkëshorti i saj, Eduart Danaj 50-vjeç me origjinë nga Vlora. Raportohet se 40-vjeçarja e kishte denoncuar tre herë ish-bashkëshortin për dhunë në familje, por ky i fundit është lënë i lirë nga policia vendase. Sipas informacioneve të mediave greke, Enkelejda kishte përmendur në denoncimet e saj se 50-vjeçari, kishte nisur të konsumonte sasi të mëdha alkooli dhe të bëhej i dhunshëm, ku si pasojë e ka dhunuar dhe kërcënuar disa herë. Hera e fundit që 40-vjeçarja e kishte denoncuar sërish për dhunë në familje (kanosje, lëndim fizik dhe fyerje) ka qenë më 7 maj 2024. Më pas burri është arrestuar dhe dërguar në prokurori, ndërsa do të dilte para gjyqit më 17 maj.
