Zbardhen detaje rreth profilit të autori ttë ngjarjes në Maliq, që vrau një polic dhe plagosi një tjetër. Violand Bracellar...
AKTUALITET
Vrasja në Dhërmi/ Autori u arrestua në Greqi, vijojnë ende kërkimet për trupin e pajetë të Eraldo Nevruzit
r.llPërditësimi i fundit 7 Qershor 2024, 08:06
autori dhe viktima
DHËRMI- Një vrasje ka tronditur ditën e djeshme jugun e vendit. 32-vjeçari Eraldo Nevruzi, recepsionist në hotelin "Greccia", dyshohet se është vrarë me armë zjarri nga 43-vjeçari Gerald Shehu.
Ky i fundit, autori i dyshuar i ngjarjes është arrestuar në një nga aeroportet e Greqisë ku mendohet se kishte planifikuar të udhëtonte drejt Anglisë. Ndërkohë trupi i të riut ende nuk është gjetur, ndërsa raportohet se vijojnë kërkimet.
Pritet edhe dëshmia e Shehut për të hedhur dritë mbi detajet, shkaqet dhe rrethanat por edhe mbi fshehjen e trupit të pajetë të 31-vjeçarit.
Si ndodhi vrasja?
Ngjarja e rëndë ndodhi pak pas mesnatës së të mërkurës rreth orës 00:30 në ambjentet e hotelit “Greccia” në Dhërmi. 43-vjeçari Gerald Shehu (bashkëpronar i hotelit në fjalë) për arsye ende të paqarta ka ekzekutuar me armë zjarri recepsionistin e hotelit Eraldo Nevruzi 31-vjeç.
Sipas policisë, Shehu e ka qëlluar me armë zjarri 31-vjeçarin në një nga dhomat e hotelit, pasi ai kishte marrë turnin dhe pasi ka zhdukur trupin, është arratisur drejt vendit fqinj, Greqisë. Autori dyshohet se u arratis me një makinë tip “Audi”, e cila u gjet afër portit në Sarandë dhe më pas udhëtoi drejt Qafë Botës, i ndihmuar nga persona të tjerë. 43-vjeçari kishte destinacion përfundimtar Anglinë por është kapur në aeroport nga Policia greke me qëllim ekstradimin drejt vendit tonë.
Nga hetimet e deritanishme thuuhet se dy janë pistat paraprake të hetimit, një për konflikt banal të çastit dhe tjetra për njohje të mëparshme dhe përfshirje në aktivitete të paligjshme në Angli ku të dy, viktima dhe autori jetonin e punonin.
Ndërkohë një kolege e 31-vjeçarit ka treguar se ngjarja e rëndë dyshohet të ketë ndodhur brenda dhomave të stafit, ndërsa e ka cilësuar Nevruzin si një person 'të lëvizshëm'. Policia vazhdon hetimet për zbardhjen e plotë të rrethanave të ngjarjes së rëndë.
