Inspektorati i Lartë i Deklarimit dhe Kontrollit të Pasurive dhe Konfliktit të Interesit (ILDKPKI) raporton se gjatë vitit 2025 ka vijuar ...
AKTUALITET
Vrau bashkëatdhetarin në Gjermani, nis gjyqi për 41-vjeçarin shqiptar, e pranon gjatë seancës se e ka qëlluar viktimën
n.fPërditësimi i fundit 27 Prill 2025, 22:03
GJERMANI- Autori i dyshuar i vrasjes së një shqiptari në qendër të qytetit Rüsselsheim ka dalë para Gjykatës Rajonale të Darmstadt ku ka dhënë versionin e tij në lidhje me akuzat që rëndojnë ndaj tij.
41-vjeçari shqiptar gjatë seancës pranoi se kishte qëlluar një bashkatdhetar. Dyshohet se ai ka qëlluar nga frika dhe çështje nderi. Ai u arrestua në Suedi një muaj pas krimit dhe akuzohet për vrasje.
Sipas aktakuzës, dy shqiptarët kanë debatuar për territoret e tyre të tregtimit të kokainës. Dy muaj para të shtënave, personi që u vra i kishte prerë të pandehurit veshin. Sipas prokurorit publik, i pandehuri këtë sulm fizik e ka konsideruar si shpifje.
Në ditën e krimit, i pandehuri dyshohet se i ka zënë pritë viktimës para një kafeneje dhe e ka qëlluar. Videot e vëzhgimit të paraqitura në gjykatë tregonin se viktima ndiqej dhe qëllohej nga një person i maskuar. I pandehuri ka deklaruar se është kërcënuar nga viktima.
Pak para se t’i prisnin veshin, ai u rrah nga burri dhe katër bashkëpunëtorët e tij. Ai e shpjegoi tregtinë e tij të drogës duke thënë se e financonte vetë konsumin e tij përmes shpërndarjes. Mëngjesin e ditës kur ndodhi krimi, ai ka dashur të bisedojë me 45-vjeçarin.
“Pasi ai u largua dhe vazhdoi të më shante dhe kërcënonte, unë vazhdova të gjuaja”, ka shpjeguar në gjykatë 41-vjeçari. Gjyqi do të vazhdojë më 6 maji.
