Një aksident i rëndë ka ndodhur sot (4 qershor), në aksin Krutje-“Pushimi i shoferit”, në rrugën Lushnjë-Fier.
...
AKTUALITET
Zbardhet drafti i qeverisë për amnistinë! Ja sa të burgosur lirohen menjëherë nga qelitë
PiranjatPërditësimi i fundit 4 Shkurt 2026, 19:09
Ministria e Drejtësisë ka depozituar në Kuvend draftin për amnistinë e të burgosurve. Në bazë të dokumentit, një kopje të së cilit e zotëron “Piranjat”, thuhet se nga kjo amnisti nëse miratohet nga Kuvendi, do të përfitojnë burra që deri më 31 dhjetor 2025 u ka mbetur edhe tre vite burg për të kryer ose janë dënuar me vendim të formës së prerë.
Amnistia parashikohet edhe për gratë që janë dënuar me 4 vite burg deri në fund të vitit që lamë pas, duke përjashtuar disa kategori të dënuar për vepra të rënda penale.
Nëse Kuvendi miraton draftin e propozuar nga qeveria, këto kategori të burgosurish përfitojnë automatikisht nga amnistia.
Janë rreth 10 mijë persona që përfitojnë, ndërsa 380 të burgosur pritet të lirohen nga qelitë menjëherë pas miratimit të nismës. Sakaq, 980 të burgosur të tjerë do të përfitojnë ulje dënimi.
LIROHEN MENJËHERË NGA BURGU (me përjashtimet e ligjit) Burrat e dënuar deri në 3 vite ose më pak Gratë e dënuara deri në 4 vite ose më pak Burrat që u ka mbetur deri në 3 vite burg Gratë që u ka mbetur deri në 4 vite burg Burrat që janë 60-vjeç ose më shumë Gratë që janë 50-vjeç ose më shumë Të gjithë ata që ishin 18-vjeç kur kryen krimin
