Zbulohen nga droni 7378 bimë kanabisi të kultivuara në Vaun e Dejës, në kërkim autorët

pamje nga ngjarja

VAU I DEJËS- Gjenden dhe asgjësohen mbi 7000 bimë kanabis në Vaun e Dejës. Mësohet se 7378 bimët ishin kultivuar në njësitë administarative Shllak dhe Temal.

Zbulimi i bimëve të kanabisit u bë me dron si dhe vijon puna për identifikimin dhe kapjen e autorëve.

Njoftimi i Policisë:

Vau i Dejës/ Vijon intensivisht megaoperacioni policor kombëtar i koduar “Territor i pastër”, kundër kultivimit të bimëve narkotike.

Nga kontrollet intensive të territorit, gjenden në njësitë administarative Shllak dhe Temal, dhe asgjësohen 7378 bimë cannabisi.

Në vijim të megaoperacionit kombëtar policor, të koduar “Territor i pastër”, u evidentua dhe u godit 1 rast tjetër i kultivimit të bimëve narkotike, në Vaun e Dejës.

Shërbimet e Komisariatit të Policisë Vau i Dejës, gjatë kontrollit të territorit, në njësitë administarative Shllak dhe Temal, gjetën dhe asgjësuan 7378 bimë cannabisi.

Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.

Megaoperacioni “Territor i pastër” vijon.

vau i dejes