Pasuri me vlerë 77 milionë lekë janë vendosur nën sekuestro preventive në kuadër të hetimit të SPAK për traf...
AKTUALITET
Zbulohet jeta luksoze e Hajdar Çopjas dhe rrjetit të kokainës në Dubai!
PiranjatPërditësimi i fundit 18 Mars 2026, 10:32
Roli i Dubait si një nga vendet ku janë strehuar figura të krimit të organizuar ndërkombëtar, përfshirë edhe persona të kërkuar nga drejtësia shqiptare.
Në fokus të dokumentarit është vendosur Hajdar Çopja, 42 vjeç nga Elbasani, i shpallur në kërkim për përfshirje në një organizatë të fuqishme të trafikut të kokainës.
Çopja prej vitesh jeton në Emiratet e Bashkuara Arabe, ku shfaq në rrjetet sociale një stil jetese luksoz, me makina të shtrenjta, ora me vlerë të lartë dhe apartamente milionëshe.
Hetimet tregojnë se ai ka përdorur edhe identitete të tjera, ndërsa aktivitetin kriminal e ka zhvilluar së bashku me vëllain e tij, Franc Çopja.
Franc Çopja u ekstradua nga Dubai drejt Belgjikës në vitin 2023 dhe në janar 2026 u dënua me 25 vite burg nga Gjykata e Krimeve të Rënda në Brussels për porositjen e vrasjes së Ardit Spahiu në vitin 2020.
Dokumentari ndalet edhe te konflikti i përgjakshëm mes grupit të Çopjave dhe familjes Erion Alibej, një përplasje që sipas hetimeve ka nisur nga pazaret e drogës dhe është shoqëruar me atentate dhe hakmarrje në Shqipëri dhe në Evropë.
Në dëshminë e tij për autoritetet belge, Alibej ka deklaruar se vëllezërit Çopja kanë investuar miliona euro nga trafiku i kokainës në Dubai, përfshirë edhe blerjen e një apartamenti luksoz në zonën Palm Jumeirah me vlerë rreth 20 milionë euro.
Sipas ekspertëve të sigurisë, Dubai është kthyer në një qendër ku grupe të ndryshme kriminale ndërkombëtare krijojnë lidhje, shkëmbejnë informacione dhe zhvillojnë metoda më të sofistikuara për trafikun e drogës dhe pastrimin e parave.
